سنن ابن ماجہ: کتاب: نماز کی اقامت اور اس کا طریقہ (باب: نماز میں خشوع کا ہونا)

ترجمۃ الباب:

1044.

حضرت انس بن مالک ؓ سے روایت ہے انہوں نے فرمایا: ایک دن رسول اللہ ﷺ نے صحابہ کرام کو نماز پڑھائی جب نماز سے فارغ ہوئے تو چہرہ مبارک نمازیوں کی طرف کیا اور فرمایا: ’’لوگوں کو کیا ہوگیا ہے کہ آسمان کی طرف نظریں اٹھاتے ہیں؟‘‘ پھر نبی ﷺ نے اس بارے میں سخت الفاظ فرمائے: ’’انہیں اس حرکت سے باز آ جانا چاہیے ورنہ اللہ ضرور ان کی بینائی سلب فرما لے گا۔‘‘