سنن ابن ماجہ: کتاب: نماز کی اقامت اور اس کا طریقہ (باب: کثرت سے سجدے کرنے کا بیان)

ترجمۃ الباب:

1423.

حضرت معدان بن ابو طلحہ یعمری رحمۃ اللہ علیہ سے روایت ہے انہوں نے کہا کہ میں حضرت ثوبان ؓ سے ملا تو میں نے عرض کیا: مجھے کوئی حدیث سنایئے شاید اللہ مجھے اس سے فائدہ پہنچائے۔ وہ خاموش رہے۔ میں نے دوبارہ عرض کیا تو وہ خاموش رہے۔ میں نے تین بار یہی کہا تو مجھ سے فرمایا: اللہ کے لیے سجدے کیا کر کیوں کہ میں نے رسول اللہ ﷺ کو یہ فرماتے سنا ہے: ’’جو بندہ اللہ کے لیے ایک سجدہ کرتا ہے، اس کی وجہ سے اللہ اس کا ایک درجہ بلند کرتا ہے اور ایک غلطی معاف کر دیتا ہے۔‘‘ معدان ؓ نے فرمایا: پھر میری ملاقات ابو درداء ؓ سے ہوئی، میں نے ان سے بھی یہی درخواست کی تو انہوں نے بھی مجھے یہی جواب دیا۔