سنن ابن ماجہ: کتاب: طب سے متعلق احکام ومسائل (باب: آسیب (اور جن) کے اثر کا علاج)

ترجمۃ الباب:

3532.

حضرت ام جندب ؓ سے روایت ہے، انہوں نے فرمایا: میں نے قربانی کے دن رسو ل اللہ ﷺ کو دیکھا کہ آپﷺ نے وادی کے نشیبی حصے میں کھڑے ہو کر بڑے جمرے پر کنکریاں ماریں، پھر واپس ہوئے۔ قبیلہ خثعم کی خاتون آپﷺ کے پیچھے چل پڑی۔ اس کے پاس ایک بچہ تھا جسے آسیب کی شکایت تھی اور وہ بات نہیں کرتا تھا۔ اس خاتون نےعرض کی: اللہ کے رسول! یہ میرا بیٹا ہے اور میرے گھر میں یہی باقی بچا ہے اور اسے آسیب ہے، یہ کلام نہیں کرتا۔ رسول اللہ ﷺ نے فرمایا: ’’میرے پاس تھوڑا سا پانی لاؤ۔‘‘ پانی لایا گیا۔ نبی ﷺ نے اپنے ہاتھ دھوئے اور کلی کی، پھر (یہ مستعمل پانی) اسے دے دیا اور فرمایا: ’’کچھ پانی اسے پلادینا، کچھ اس کے اوپر ڈال دینا، اور اس کےلیےاللہ سے شفا کی دعا کرنا۔‘‘ ام جندب‬ ؓ ن‬ے فرمایا: میں اس عورت سے ملی اورکہا: اس میں سے تھوڑا سا (متبرک پانی مجھے بھی دے دو۔ اس نے کہا: یہ تو اس بیمار کے لیےہے۔ام جندب نے فرمایا: ایک سال بعد اس عورت سے میری ملاقات ہوگئی تو میں نے اس لڑکے کےبارہ میں پوچھا۔ اس نے کہا: وہ صحت یاب ہوگیا ہے اور ایسا عقل مند ہو گیا ہے جو (عام) لوگوں کی طرح نہیں (بلکہ ان سےبڑھ کر عقل مند ہوگیا ہے ۔)