سنن ابن ماجہ: کتاب: طب سے متعلق احکام ومسائل (باب: پریشانی اور بے خوابی اور جن چیزوں سے اللہ کی پناہ لی جاتی ہے)

ترجمۃ الباب:

3549.

حضرت ابو لیلی انصاری ؓ سےروایت ہے، انہوں نے فرمایا: میں نبی ﷺ کے پاس بیٹھا ہوا تھا کہ ایک اعرابی حاضر خدمت ہوا ور عرض کیا: اللہ کے رسول! میرے بھائی بیمار ہے۔ آپ نے فرمایا: ’’تیرے بھائی کو کیا بیماری لاحق ہے؟‘‘ اس نےکہا: جنون کی شکایت ہے۔ آپﷺ نے فرمایا: ’’جاؤ، اسے میرے پاس لاؤ۔‘‘ وہ جا کر اسے لے آیا۔ نبی ﷺ نے اس (مریض) کو اپنے سامنے بٹھا لیا۔ میں نے سنا کہ نبی ﷺ نے اس پر مندرجہ ذیل آیات پڑھیں (اور دم کیا)۔ سورۃ فاتحہ، سورۃ بقرہ کی پہلی چار آیاتیں، اس (سورۃ بقرہ) کے درمیان سے دوآیتیں،﴿وَاِلٰهُكُمْ اِلٰهٌ وَّاحِد۔۔۔۔﴾ (آیت:163) اورآیت الکرسی (آیت:255) تین آیتیں اس کے آخر سے (284 تا 486)، سورۃ آل عمران سے ایک آیت۔غالبا یہ آیت تھی ﴿شَهِدَ اللهُ أَنَّهُ لَااِلٰهَ إِلَّاهُو ۔۔۔۔۔﴾ (آیت :18) سورۃ اعراف کی ایک آیت ﴿إِنَ رَبَّكُمُ الله الَّذِي ۔۔﴾ (آیت:54) سورۃ مومنون کی ایک آیت ﴿وَمَنْ يَدْعُ مَعَ اللَّهِ إِلَهًا آخَرَ لَا بُرْهَانَ لَهُ بِهِ ۔۔﴾ (آیت :117) سوۃ جن کی ایک آیت ﴿وَأَنَّهُ تَعَالَى جَدُّ رَبِّنَا مَا اتَّخَذَ صَاحِبَةً وَلَا وَلَدًا۔۔۔﴾ (آیت:3)، سورۃ صافات کی پہلی دس آیات، سورۃ حشر کی آخری تین آیات، سوره ﴿قُلْ هُوَ اللَّهُ أَحَدٌ، ﴾ مکمل اور معوذتین (سورۃ فلق اور سور ۂ ناس مکمل) چنانچہ اعرابی صحت یاب ہو کر کھڑا ہوگیا، اسے کوئی تکلیف نہ رہی۔