التخريج

قسم الحديث (القائل): مرفوع ، اتصال السند: متصل ، قسم الحديث: صفات وشمائل للنبيﷺ

سنن ابن ماجه: كِتَابُ الزُّهْدِ (بَابُ ذِكْرِ الشَّفَاعَةِ)

حکم : صحیح 

4312. حَدَّثَنَا نَصْرُ بْنُ عَلِيٍّ حَدَّثَنَا خَالِدُ بْنُ الْحَارِثِ حَدَّثَنَا سَعِيدٌ عَنْ قَتَادَةَ عَنْ أَنَسِ بْنِ مَالِكٍ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ يَجْتَمِعُ الْمُؤْمِنُونَ يَوْمَ الْقِيَامَةِ يُلْهَمُونَ أَوْ يَهُمُّونَ شَكَّ سَعِيدٌ فَيَقُولُونَ لَوْ تَشَفَّعْنَا إِلَى رَبِّنَا فَأَرَاحَنَا مِنْ مَكَانِنَا فَيَأْتُونَ آدَمَ فَيَقُولُونَ أَنْتَ آدَمُ أَبُو النَّاسِ خَلَقَكَ اللَّهُ بِيَدِهِ وَأَسْجَدَ لَكَ مَلَائِكَتَهُ فَاشْفَعْ لَنَا عِنْدَ رَبِّكَ يُرِحْنَا مِنْ مَكَانِنَا هَذَا فَيَقُولُ لَسْتُ هُنَاكُمْ وَيَذْكُرُ وَيَشْكُو إِلَيْهِمْ ذَنْبَهُ الَّذِي أَصَابَ فَيَسْتَحْيِي مِنْ ذَلِكَ وَلَكِنْ ائْتُوا نُوحًا فَإِنَّهُ أَوَّلُ رَسُولٍ بَعَثَهُ اللَّهُ إِلَى أَهْلِ الْأَرْضِ فَيَأْتُونَهُ فَيَقُولُ لَسْتُ هُنَاكُمْ وَيَذْكُرُ سُؤَالَهُ رَبَّهُ مَا لَيْسَ لَهُ بِهِ عِلْمٌ وَيَسْتَحْيِي مِنْ ذَلِكَ وَلَكِنْ ائْتُوا خَلِيلَ الرَّحْمَنِ إِبْرَاهِيمَ فَيَأْتُونَهُ فَيَقُولُ لَسْتُ هُنَاكُمْ وَلَكِنْ ائْتُوا مُوسَى عَبْدًا كَلَّمَهُ اللَّهُ وَأَعْطَاهُ التَّوْرَاةَ فَيَأْتُونَهُ فَيَقُولُ لَسْتُ هُنَاكُمْ وَيَذْكُرُ قَتْلَهُ النَّفْسَ بِغَيْرِ النَّفْسِ وَلَكِنْ ائْتُوا عِيسَى عَبْدَ اللَّهِ وَرَسُولَهُ وَكَلِمَةَ اللَّهِ وَرُوحَهُ فَيَأْتُونَهُ فَيَقُولُ لَسْتُ هُنَاكُمْ وَلَكِنْ ائْتُوا مُحَمَّدًا عَبْدًا غَفَرَ اللَّهُ لَهُ مَا تَقَدَّمَ مِنْ ذَنْبِهِ وَمَا تَأَخَّرَ قَالَ فَيَأْتُونِي فَأَنْطَلِقُ قَالَ فَذَكَرَ هَذَا الْحَرْفَ عَنْ الْحَسَنِ قَالَ فَأَمْشِي بَيْنَ السِّمَاطَيْنِ مِنْ الْمُؤْمِنِينَ قَالَ ثُمَّ عَادَ إِلَى حَدِيثِ أَنَسٍ قَالَ فَأَسْتَأْذِنُ عَلَى رَبِّي فَيُؤْذَنُ لِي فَإِذَا رَأَيْتُهُ وَقَعْتُ سَاجِدًا فَيَدَعُنِي مَا شَاءَ اللَّهُ أَنْ يَدَعَنِي ثُمَّ يُقَالُ ارْفَعْ يَا مُحَمَّدُ وَقُلْ تُسْمَعْ وَسَلْ تُعْطَهْ وَاشْفَعْ تُشَفَّعْ فَأَحْمَدُهُ بِتَحْمِيدٍ يُعَلِّمُنِيهِ ثُمَّ أَشْفَعُ فَيَحُدُّ لِي حَدًّا فَيُدْخِلُهُمْ الْجَنَّةَ ثُمَّ أَعُودُ الثَّانِيَةَ فَإِذَا رَأَيْتُهُ وَقَعْتُ سَاجِدًا فَيَدَعُنِي مَا شَاءَ اللَّهُ أَنْ يَدَعَنِي ثُمَّ يُقَالُ لِي ارْفَعْ مُحَمَّدُ قُلْ تُسْمَعْ وَسَلْ تُعْطَهْ وَاشْفَعْ تُشَفَّعْ فَأَرْفَعُ رَأْسِي فَأَحْمَدُهُ بِتَحْمِيدٍ يُعَلِّمُنِيهِ ثُمَّ أَشْفَعُ فَيَحُدُّ لِي حَدًّا فَيُدْخِلُهُمْ الْجَنَّةَ ثُمَّ أَعُودُ الثَّالِثَةَ فَإِذَا رَأَيْتُ رَبِّي وَقَعْتُ سَاجِدًا فَيَدَعُنِي مَا شَاءَ اللَّهُ أَنْ يَدَعَنِي ثُمَّ يُقَالُ ارْفَعْ مُحَمَّدُ قُلْ تُسْمَعْ وَسَلْ تُعْطَهْ وَاشْفَعْ تُشَفَّعْ فَأَرْفَعُ رَأْسِي فَأَحْمَدُهُ بِتَحْمِيدٍ يُعَلِّمُنِيهِ ثُمَّ أَشْفَعُ فَيَحُدُّ لِي حَدًّا فَيُدْخِلُهُمْ الْجَنَّةَ ثُمَّ أَعُودُ الرَّابِعَةَ فَأَقُولُ يَا رَبِّ مَا بَقِيَ إِلَّا مَنْ حَبَسَهُ الْقُرْآنُ

مترجم:

4312.

حضرت انس بن مالک سے روایت ہے رسول اللہ ﷺ نے فرمایا: ’’قیامت کے دن مومن جمع ہوں گے۔ پھر انھیں الہام ہوگا، یا فرمایا: وہ فکر مند ہوں گے۔ (حدیث کے راوی) سعید کو شک ہوا ہے تب وہ کہیں گے: کاش ہم اپنے رب کے دربار میں (کسی کی) سفارش پیش کریں۔ تو وہ  ہمیں اس جگہ سے (منتقل کرکے) راحت نصیب فرمائے چنانچہ وہ حضرت آدم ؑ کے پاس جایئں گے۔ اور کہیں گے: آپ آدم ہیں جو سب انسانوں کے والد ہیں۔ آپ کو اللہ نے اپنے ہاتھ سے پیدا فرمایا اور اس کے فرشتوں نے آپ کو سجدہ کیا لہٰذا آپ ہمارے لئے اپنے رب سے شفاعت کیجئے کہ ہمیں اس مقام سے راحت نصیب فرمائے۔ وہ کہیں گے میں اس قابل نہیں اور اپنے اس گناہ کا ذکر اور شکایت کریں گے۔ جو ان سے سرزد ہوگیا تھا۔ (جس درخت سے منع کیا گیا تھا اس کا پھل کھالیا تھا) وہ اپنے رب سے شرم محسوس کریں گے۔ (اور کہیں گے) نوح ؑ کے پاس جاؤ وہ پہلے ر سول ہیں جنھیں اللہ تعالیٰ نے اہل زمین کی طرف (نبی بنا کر) بھیجا۔ لوگ ان کے پاس آئیں گے۔ وہ کہیں گے: میں اس قابل نہیں ہوں۔ وہ اس بات کا ذکر کرکے شرم محسوس کریں گے۔ کہ انھوں نے اپنے رب سے ایسا سوال کیاتھا۔ جس کی حقیقت کا انھیں علم نہیں تھا۔ (وہ کہیں گے) لیکن تم اللہ کے خلیل حضرت ابراہیم ؑ کے پاس جاؤ۔ لوگ ان کے پاس جایئں گے۔ وہ فرمایئں گے میں اس قابل نہیں لیکن تم موسیٰ ؑ کے پاس جاؤ۔ وہ اللہ کے ایسے بندے ہیں جنھیں اللہ نے (براہ راست) کلام فرمایا اور انھیں تورات عطا فرمائی لوگ ان کے پاس جایئں گے تو وہ فرمایئں گے۔ میں اس قابل نہیں۔ وہ ایک آدمی کے بے گناہ قتل کرنے کا ذکر فرمائیں گے۔ (وہ کہیں گے) لیکن عیسیٰ ؑ کے پاس جاؤ۔ وہ اللہ کے بندے اس کے رسول اس کا کلمہ اور اس کی روح ہیں۔ لوگ ان کے پاس جایئں گے وہ فرمایئں گے۔ میں اس قابل نہیں لیکن تم حضرت محمد ﷺ کے پاس جاؤ۔ وہ اللہ کے ایسے بندے ہیں جن کے اگلے پچھلے گناہ اللہ نے معاف فرما دیے ہیں۔ نبی کریمﷺ نے فرمایا۔ لوگ میرے پاس آئیں گے۔ میں چل پڑوں گا۔ ایک روایت میں ہے۔ میں مومنوں کی دو صفوں کے درمیان سے گزر کر جاؤں گا اور فرمایا: میں اپنے رب کے پاس حاضر ہونے کی اجازت طلب کروں گا۔ مجھے اجازت مل جائے گی۔ جب میں اپنے رب کو دیکھوں گا تو سجدے میں گر جاؤں گا۔ اللہ تعالیٰ جب تک چاہے گا مجھے (سجدے میں) رہنے دے گا۔ پھر کہا جائے گا محمد! سر اٹھایئے! بات کیجئے آپ کی بات سنی جائے گی۔ سوال کیجئے آپ کو دیا جائے گا۔ شفاعت کیجئے ۔آپ کی شفاعت قبول کی جائےگی۔ تب میں اللہ کی وہ تعریفیں کروں گا۔ جو وہ مجھے سکھائے گا۔ پھر شفاعت کروں گا۔(چنانچہ) میرے لئے ایک حد مقرر کردی جائے گی۔ اللہ ان لوگوں کو (جن کے حق میں شفاعت کی اجازت دی ہوگی۔) جنت میں داخل کردے گا۔ پھر میں دوسری بار جاؤں گا۔ جب میں اپنے رب کو دیکھوں گا تو سجدے میں گرجاؤ گا اللہ تعالیٰ جب تک چاہے گا مجھے (سجدے میں) رہنے دے گا۔ پھر مجھے کہاجائےگا۔ محمد! سر اٹھایئے! بات کیجئے! آپ کی بات سنی جائےگی۔ سوال کیجئے آپ کو دیا جائےگا۔ شفاعت کیجئے آپ کی شفاعت قبول کی جائےگی۔ تب میں سراٹھا کراللہ کی وہ تعریفیں کروں گا جو وہ مجھے سکھائے گا۔ پھر میں شفاعت کروں گا۔ (چنانچہ) میرے لئے ایک حد مقرر کر دی جائے گی۔ اللہ ان لوگوں کو (جن کے حق میں شفاعت کی اجازت دی ہوگی) جنت میں داخل کردے گا۔ پھر میں تیسری بار جاؤں گا۔ جب میں اپنے رب کودیکھوں گا۔ تو سجدے میں گر جاؤں گا۔ اللہ تعالیٰ جب تک چاہے گا مجھے (سجدے میں) رہنے دے گا پھر مجھے کہاجائے گا محمد! سر اٹھائیے!بات کیجئے! آپ کی بات سنی جائےگی۔ سوال کیجئے آپ کو دیا جائےگا۔ شفاعت کیجئے آپ کی شفاعت قبول کی جائے گی۔ تب میں سر اٹھا کر اللہ کہ وہ تعریفیں کروں گا۔ جو وہ مجھے سکھائے گا۔ پھر میں شفاعت کروں گا (چنانچہ) میرے لئے ایک حد مقرر کردی جائےگی اور اللہ ان لوگوں کوجنت میں داخل کردے گا۔ (جن کےحق میں شفاعت کی اجازت دی ہوگی) پھر میں چوتھی بار جاؤں گا اور عرض کروں گا میرے رب! (جہنم میں) صرف وہی باقی رہ گئے ہیں۔ جنھیں قرآن نے روک دیا ہے۔

×
حدیث ترجمہ:

انس بن مالک ؓ سے روایت ہے کہ رسول اللہ ﷺ نے فرمایا: ”مومن قیامت کے دن جمع ہوں گے اور ان کے دلوں میں ڈال دیا جائے گا، یا وہ سوچنے لگیں گے، (یہ شک راوی حدیث سعید کو ہوا ہے)، تو وہ کہیں گے: اگر ہم کسی کی سفارش اپنے رب کے پاس لے جاتے تو وہ ہمیں اس حالت سے راحت دے دیتا، وہ سب آدم ؑ کے پاس آئیں گے، اور کہیں گے: آپ آدم ہیں، سارے انسانوں کے والد ہیں، اللہ تعالیٰ نے آپ کو اپنے ہاتھ سے پیدا کیا، اور اپنے فرشتوں سے آپ کا سجدہ کرایا، تو آپ اپنے رب سے ہماری سفارش کر دیجئیے کہ وہ ہمیں اس جگہ سے نجات دیدے، آپ فرمائیں گے: میں اس قابل نہیں ہوں- آپ اپنے کئے ہوئے گناہ کو یاد کر کے اس کا شکوہ ان لوگوں کے سامنے کریں گے، اور اس بات سے شرمندہ ہوں گے، پھر فرمائیں گے: لیکن تم سب نوح کے پاس جاؤ اس لیے کہ وہ پہلے رسول ہیں جن کو اللہ تعالیٰ نے اہل زمین کے پاس بھیجا، وہ سب نوح ؑ کے پاس آئیں گے، تو آپ ان سے کہیں گے کہ میں اس قابل نہیں ہوں کہ اللہ کے حضور جاؤں، اور آپ اپنے اس سوال کو یاد کر کے شرمندہ ہوں گے جو آپ نے اپنے رب سے اس چیز کے بارے میں کیا تھا جس کا آپ کو علم نہیں تھا۔ پھر کہیں گے کہ لیکن تم سب ابراہیم خلیل الرحمن کے پاس جاؤ، وہ سب ابراہیم ؑ کے پاس جائیں گے، تو آپ بھی یہی کہیں گے کہ میں اس قابل نہیں ہوں، لیکن تم سب موسیٰ ؑ کے پاس جاؤ، وہ ایسے بندے ہیں جن سے اللہ تعالیٰ نے گفتگو کی، اور ان کو تورات عطا کی، وہ سب ان کے پاس آئیں گے تو وہ کہیں گے کہ میں اس لائق نہیں (وہ اپنا وہ قتل یاد کریں گے جو ان سے بغیر کسی خون کے مقابل ہو گیا تھا)، لیکن تم سب عیسیٰ ؑ کے پاس جاؤ، جو اللہ کے بندے، اس کے رسول، اور اس کا کلمہ و روح ہیں، وہ سب ان کے پاس آئیں گے، تو وہ کہیں گے کہ میں اس قابل نہیں، لیکن تم سب محمد ﷺ کے پاس جاؤ، جو اللہ کے ایسے بندے ہیں جن کے اگلے اور پچھلے گناہوں کو اللہ تعالیٰ نے معاف کر دیا ہے، آپ ﷺ نے فرمایا: ”پھر وہ میرے پاس آئیں گے تو میں چلوں گا (حسن کی روایت کے مطابق مومنوں کی دونوں صفوں کے درمیان چلوں گا) میں اپنے رب سے اجازت مانگوں گا، تو مجھے اجازت دے دی جائے گی، جب میں اپنے رب کو دیکھوں گا، تو سجدے میں گر پڑوں گا، میں اس کے آگے سجدے میں اس وقت تک رہوں گا جب تک وہ اس حالت میں مجھے چھوڑے رکھے گا، پھر حکم ہو گا: اے محمد! سر اٹھاؤ، اور کہو، تمہاری بات سنی جائے گی، مانگو تمہیں دیا جائے گا، شفاعت کرو تمہاری شفاعت قبول کی جائے گی، میں اس کی حمد بیان کروں گا جس طرح وہ مجھے سکھائے گا، پھر میں شفاعت کروں گا، میرے لیے حد مقرر کر دی جائے گی، اللہ تعالیٰ ان سب کو جنت میں داخل کر دے گا، پھر میں دوبارہ لوٹوں گا، جب میں اپنے رب کو دیکھوں گا، تو سجدے میں گر پڑوں گا، میں اس کے آگے سجدے میں اس وقت تک رہوں گا، جب تک وہ اس حالت میں مجھے چھوڑے رکھے گا، پھر مجھ سے کہا جائے گا: اے محمد! سر اٹھاؤ، تم کہو، تمہاری بات سنی جائے گی، مانگو دیا جائے گا، شفاعت کرو تمہاری شفاعت قبول ہو گی، میں اپنا سر اٹھاؤں گا، اس کی تعریف کروں گا، جس طرح وہ مجھے سکھائے گا، پھر میں شفاعت کروں گا، تو میرے لیے حد مقرر کر دی جائے گی، اور وہ ان کو جنت میں داخل کر دے گا، پھر میں تیسری بار لوٹوں گا، جب میں اپنے رب کو دیکھوں گا تو سجدے میں گر پڑوں گا، میں اس کے آگے سجدے میں اس وقت تک رہوں گا، جب تک وہ اس حالت میں مجھے چھوڑے رکھے گا، پھر حکم ہو گا کہ اے محمد! سر اٹھاؤ، کہو تمہاری بات سنی جائے گی، مانگو تمہیں دیا جائے گا، اور شفاعت کرو تمہاری شفاعت قبول ہو گی، میں اپنا سر اٹھاؤں گا، اس کے سکھائے ہوئے طریقے سے اس کی حمد کروں گا، پھر میں شفاعت کروں گا، میرے لیے ایک حد مقرر کر دی جائے گی، پھر ان کو اللہ تعالیٰ جنت میں داخل کر دے گا، پھر میں چوتھی بار لوٹوں گا، اور کہوں گا: اے میرے رب! اب تو کوئی باقی نہیں ہے، سوائے اس کے جس کو قرآن نے روکا ہے یعنی جو قرآن کی تعلیمات کی رو سے جہنم کے لائق ہے۔‘‘

حدیث حاشیہ:
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم4441
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)4312
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)4302
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)4312
٥. ترقيم الأعظمي (برنامج الكتب التسعة)ترقیم اعظمی (کتب تسعہ پروگرام)4367
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)4437
٧. ترقيم دار الرّسالة العالمية (جامع خادم الحرمين للسنة النبوية)ترقیم دار الرسالہ العالمیہ (خادم الحرمین الشریفین حدیث ویب سائٹ)4312
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)4312

الحكم على الحديث

×
اسم العالمالحكم
١. فضيلة الشيخ الإمام محمد ناصر الدين الألبانيصحیح
٢. فضيلة الشيخ العلّامة شُعيب الأرناؤوطإسناده صحيح
٣. مجلس علمي (دار الدّعوة، دهلي)صحيح
٤. فضيلة الشيخ حافظ زبير علي زئيأخرجه البخاري

تمہید باب

×

تمہید کتاب

×

٭لغوی معنی: لغت میں زہد کے معنی:عبادت گزاری'مذہبیت اختیار کرنا' دنیا سے بے رغبتی اور کنارہ کشی کرنا ہیں۔٭اصطلاحی تعریف :(الزاهد:ترك مالا ينفع في الاخرة والورع ترك ما تخاف ضرره )"آخرت کے لیے غیر مفید چیزوں کو ترک کرنا  زہد اور کسی چیز کو نقصان کے خدشے سے چھوڑ دینا ورع ہے۔"زہد کی اقسام: امام احمد ؒ نے زہد کو تین اقسام میں تقسیم کیا ہے:1۔حرام چیزوں کو ترک کرنا'یہ ادنی درجے کا زہد ہے۔2۔ ضرورت سے زائد حلال چیزوں کو ترک کرنا'یہ متوسط  درجے کا زہد ہے۔3۔اللہ تعالی کی یاد سے غافل کرنے والی چیز کو ترک کردینا'یہ اعلی درجے کا زہد ہے۔(كتاب الزهد’للامام وكيع بن جراح :1/123/145)دنيا كی زندگی دارالامتحان ہے۔آزمائشوں اور مصیبتوں 'مشکلات ومحن کا گھر ہے' لہذا اس میں اللہ تعالی کی تقدیر و مشیت پر صبر ورضا کا مظاہرہ کرنا'اس کی دی ہوئی نعمتوں کا شکر بجالانا اور اپنی ضروریات کو حاصل شدہ وسائل کے  مطابق ڈھال کر قناعت کامظاہر ہ کرنا بے حد ضروری ہے۔دوسروں کی دولت وامارت کودیکھ کر ناشکری کا شکار ہوجانا یا دولت مندی کے حصول کے لیے  دوڑ لگا دینا اس دارالامتحان کے تقاضوں کے خلاف ہے کیونکہ یہ دنیا چند دن کی ہے۔باقی  رہنے والی زندگی دارالجزاء میں ہے جس کی  نعمتیں  لافانی اور لازوال ہیں ۔ان کے حصؤل کے لیے زیادہ سے زیادہ کوشش کرنا مطلوب ومقصود ہے۔اس دنیا کی بے ثباتی 'کم وقعتی اور بے حقیقتی کو واضح کرتے ہوئے پروردگار عالم فرماتا ہے:( اعلموا انما الحياة الدنيا لعب ولهو وزينة وتفاخر بينكم وتكا ثر في الاموال والاولاد كمثل غيث اعجب الكفار نباته ثم يهيج  فتراه مصفرا ثم يكون حطاما وفي الاخرة عذاب شديد و مغفرة من الله ورضوان وما الحيوة الدنيا الامتاع الغرور) (الحديد57/20)"تم جان لو کہ دنیاوی زندگی محض کھیل 'تماشا اور زینت ہے اور آپس میں فخر جتانا اور ایک  دوسرے  پر مال اور اولاد میں کثرت جتانا ہے(اس کی مثال یوں ہے) جیسے بارش کہ اس(پیدا شدہ) نباتات کسانوں کو خوش کرتی ہیں'پھر وہ خشک  ہوجاتی ہیں تو آپ اسی زرد ہوتی  دیکھتے ہیں ؛پھر وہ چور چور ہوجاتی ہیں'اور آخرت میں (کفار کے لیے) شدید عذاب ہے'اور (مومنوں کے لیے) اللہ کی طرف  سے مغفرت اور رضامندی ہے اور دنیاوی زندگی تو بس دھوکے کا سامان ہے۔"لیکن ہم مسلمان تو اسی دھوکے کے سامان کے حصول کے لیے دن رات ایک کیے ہوئے ہیں'حالانکہ رسول اکرم ﷺ نے بھی مومنوں کو اس دنیا سے کامیاب لوٹنے کی تر غیب اپنے قول اور عمل دونوں  سے دی ہے۔اگر آپ چاہتے ہیں تو زمین اپنے  خزانے آپ کے قدموں  میں ڈھیر کرسکتی  تھی۔آسمان اپنی نعمتیں نچھاور  کرسکتا تھا مگر آپ نے ہمیشہ سادگی'قناعت پسندی  اور زہد وورع کو اپنا کر امت کو یہ درس دیا  کہ اس دارالامتحان میں اس طرح جینا سیکھو۔اگر دنیا میں کام یاب عمل کرکے لوٹو گے تو اخرت میں ابدی اور لازوال نعمتیں تمھارا مقدر بنیں گی 'اس لیے مسلمانوں کو ہردم آپ کا یہ فرمان مد نظر  رکھنا چاہیے: (كن  في الدنيا كانك غريب او عابر سبيل) (صحيح البخاري ’الرقاق ’باب قول النبي ﷺ(كن في الدنيا كانك غريب اوعابر سبيل ) (’حديث:6416)"دنیا میں اس طرح رہو جیسے کوئی  غریب  الوطن  مسافر یا راہ گزر رہتا ہے۔" نیز فرمایا:(الدنيا سجن المؤمن و جنة الكافر ) (’حديث :2956)" دنیا مومن کی قید اور کافر کی جنت ہے۔"

تمہید باب عربی

×

تمہید کتاب عربی

×