التخريج

قسم الحديث (القائل): قدسی ، اتصال السند: متصل ، قسم الحديث: قولی

سنن ابن ماجه: كِتَابُ الزُّهْدِ (بَابُ صِفَةِ الْجَنَّةِ)

حکم : ضعیف 

4336. حَدَّثَنَا هِشَامُ بْنُ عَمَّارٍ حَدَّثَنَا عَبْدُ الْحَمِيدِ بْنُ حَبِيبِ بْنِ أَبِي الْعِشْرِينَ حَدَّثَنِي عَبْدُ الرَّحْمَنِ بْنُ عَمْرٍو الْأَوْزَاعِيُّ حَدَّثَنِي حَسَّانُ بْنُ عَطِيَّةَ حَدَّثَنِي سَعِيدُ بْنُ الْمُسَيَّبِ أَنَّهُ لَقِيَ أَبَا هُرَيْرَةَ فَقَالَ أَبُو هُرَيْرَةَ أَسْأَلُ اللَّهَ أَنْ يَجْمَعَ بَيْنِي وَبَيْنَكَ فِي سُوقِ الْجَنَّةِ قَالَ سَعِيدٌ أَوَ فِيهَا سُوقٌ قَالَ نَعَمْ أَخْبَرَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ أَنَّ أَهْلَ الْجَنَّةِ إِذَا دَخَلُوهَا نَزَلُوا فِيهَا بِفَضْلِ أَعْمَالِهِمْ فَيُؤْذَنُ لَهُمْ فِي مِقْدَارِ يَوْمِ الْجُمُعَةِ مِنْ أَيَّامِ الدُّنْيَا فَيَزُورُونَ اللَّهَ عَزَّ وَجَلَّ وَيُبْرِزُ لَهُمْ عَرْشَهُ وَيَتَبَدَّى لَهُمْ فِي رَوْضَةٍ مِنْ رِيَاضِ الْجَنَّةِ فَتُوضَعُ لَهُمْ مَنَابِرُ مِنْ نُورٍ وَمَنَابِرُ مِنْ لُؤْلُؤٍ وَمَنَابِرُ مِنْ يَاقُوتٍ وَمَنَابِرُ مِنْ زَبَرْجَدٍ وَمَنَابِرُ مِنْ ذَهَبٍ وَمَنَابِرُ مِنْ فِضَّةٍ وَيَجْلِسُ أَدْنَاهُمْ وَمَا فِيهِمْ دَنِيءٌ عَلَى كُثْبَانِ الْمِسْكِ وَالْكَافُورِ مَا يُرَوْنَ أَنَّ أَصْحَابَ الْكَرَاسِيِّ بِأَفْضَلَ مِنْهُمْ مَجْلِسًا قَالَ أَبُو هُرَيْرَةَ قُلْتُ يَا رَسُولَ اللَّهِ هَلْ نَرَى رَبَّنَا قَالَ نَعَمْ هَلْ تَتَمَارَوْنَ فِي رُؤْيَةِ الشَّمْسِ وَالْقَمَرِ لَيْلَةَ الْبَدْرِ قُلْنَا لَا قَالَ كَذَلِكَ لَا تَتَمَارَوْنَ فِي رُؤْيَةِ رَبِّكُمْ عَزَّ وَجَلَّ وَلَا يَبْقَى فِي ذَلِكَ الْمَجْلِسِ أَحَدٌ إِلَّا حَاضَرَهُ اللَّهُ عَزَّ وَجَلَّ مُحَاضَرَةً حَتَّى إِنَّهُ يَقُولُ لِلرَّجُلِ مِنْكُمْ أَلَا تَذْكُرُ يَا فُلَانُ يَوْمَ عَمِلْتَ كَذَا وَكَذَا يُذَكِّرُهُ بَعْضَ غَدَرَاتِهِ فِي الدُّنْيَا فَيَقُولُ يَا رَبِّ أَفَلَمْ تَغْفِرْ لِي فَيَقُولُ بَلَى فَبِسَعَةِ مَغْفِرَتِي بَلَغْتَ مَنْزِلَتَكَ هَذِهِ فَبَيْنَمَا هُمْ كَذَلِكَ غَشِيَتْهُمْ سَحَابَةٌ مِنْ فَوْقِهِمْ فَأَمْطَرَتْ عَلَيْهِمْ طِيبًا لَمْ يَجِدُوا مِثْلَ رِيحِهِ شَيْئًا قَطُّ ثُمَّ يَقُولُ قُومُوا إِلَى مَا أَعْدَدْتُ لَكُمْ مِنْ الْكَرَامَةِ فَخُذُوا مَا اشْتَهَيْتُمْ قَالَ فَنَأْتِي سُوقًا قَدْ حُفَّتْ بِهِ الْمَلَائِكَةُ فِيهِ مَا لَمْ تَنْظُرْ الْعُيُونُ إِلَى مِثْلِهِ وَلَمْ تَسْمَعْ الْآذَانُ وَلَمْ يَخْطُرْ عَلَى الْقُلُوبِ قَالَ فَيُحْمَلُ لَنَا مَا اشْتَهَيْنَا لَيْسَ يُبَاعُ فِيهِ شَيْءٌ وَلَا يُشْتَرَى وَفِي ذَلِكَ السُّوقِ يَلْقَى أَهْلُ الْجَنَّةِ بَعْضُهُمْ بَعْضًا فَيُقْبِلُ الرَّجُلُ ذُو الْمَنْزِلَةِ الْمُرْتَفِعَةِ فَيَلْقَى مَنْ هُوَ دُونَهُ وَمَا فِيهِمْ دَنِيءٌ فَيَرُوعُهُ مَا يَرَى عَلَيْهِ مِنْ اللِّبَاسِ فَمَا يَنْقَضِي آخِرُ حَدِيثِهِ حَتَّى يَتَمَثَّلَ لَهُ عَلَيْهِ أَحْسَنُ مِنْهُ وَذَلِكَ أَنَّهُ لَا يَنْبَغِي لِأَحَدٍ أَنْ يَحْزَنَ فِيهَا قَالَ ثُمَّ نَنْصَرِفُ إِلَى مَنَازِلِنَا فَتَلْقَانَا أَزْوَاجُنَا فَيَقُلْنَ مَرْحَبًا وَأَهْلًا لَقَدْ جِئْتَ وَإِنَّ بِكَ مِنْ الْجَمَالِ وَالطِّيبِ أَفْضَلَ مِمَّا فَارَقْتَنَا عَلَيْهِ فَنَقُولُ إِنَّا جَالَسْنَا الْيَوْمَ رَبَّنَا الْجَبَّارَ عَزَّ وَجَلَّ وَيَحِقُّنَا أَنْ نَنْقَلِبَ بِمِثْلِ مَا انْقَلَبْنَا

مترجم:

4336.

حضرت سعید بن مسیب ؒ سے روایت ہے۔ کہ ان کی ملاقات ابو ہریرۃ سے ہوئی۔ تو حضرت ابو ہریرۃ نے فرمایا۔ کہ میں اللہ سے دعا کرتا ہوں کہ وہ مجھے اور آپ کو جنت کے بازار میں جمع کرے۔ حضرت سعید ؒ نے کہا: کیا جنت میں بھی بازار ہوگا؟ فرمایا: ہاں: مجھے رسول اللہ ﷺنے بتایا: ’’جنتی جب جنت میں داخل ہوجائیں گے۔ تو اپنے اعمال کے مطابق (اپنے اپنے درجے میں) ٹھریں گے۔ انھیں دنیا کے دنوں کے اندازے کے مطابق جمعہ کے دن کی اجازت دی جائے گی۔ تو وہ اللہ عزوجل کی زیارت کریں گے۔ وہ ان کے لئے اپنا عرش ظاہر کرے گا۔اور خود بھی جنت کے باغات میں سے ایک باغ میں ظہور فرمائے گا۔ ان کے لئے نور کے منبر رکھے جایئں گے۔ اور موتی کے منبر یا قوت کے منبر زمرد کے منبر سونے کے منبر اور چاندی کے منبر (رکھے جایئں گے) ان میں سے کم درجے کے مومن ان میں سے کوئی حقیر نہیں ہوگا کستوری اور کافور کے ٹیلوں پر بیٹھیں گے۔ انھیں یوں محسوس ہوگا کہ کرسیوں والے ان سے اعلیٰ نشستوں پر نہیں۔ حضرت ابو ہریرہ نے فرمایا: میں نے کہا: اللہ کے رسولﷺ! کیا ہم اپنے رب کی زیارت کریں گے؟ آپ نے فرمایا: ہاں، کیا تمھیں سورج کو یا چودھویں رات کے چاند کو دیکھنے میں شک ہوتا ہے؟ ہم نے کہا: نہیں۔ آ پ نے فرمایا: اس طرح تمھیں اپنے رب کے دیدار میں کوئی شک نہیں ہوگا۔ اللہ تعالیٰ مجلس کے ہر شخص سے مخاطب ہوکر بات چیت فرمائے گا۔اللہ تعالیٰ تم میں سے ایک آدمی سے فرمائے گا اے فلاں! کیا تجھے یاد نہیں جس دن تو نے فلاں فلاں کام کیا تھا؟ یعنی اللہ تعالیٰ بندے کی بعض دنیوی غلطیاں یاد کروائے گا۔ بندہ کہے گا :میرے رب! کیا تو نے مجھے بخش نہیں دیا؟ اللہ تعالیٰ فرمائے گا: کیوں نہیں؟ میری بخشش کی وسعت ہی کی وجہ سے تو تو اس مقام پر پہنچا ہےاسی اثناء میں ان کے اوپر ایک بادل چھا جائے گا۔ اس سے ان پر ایسی خوشبو برسے گی کہ اس جیسی مہک انھوں نے کبھی نہ سونگھی ہوگی۔ پھر اللہ تعالیٰ فرمائے گا؟ اٹھو میں نے تمھاری عزت افزائی کے لئے جو کچھ تیار کیا ہے اس میں سے جو چاہو لے لو۔ نبی کریمﷺنے فرمایا: تب ہم ایک بازار میں جایئں گے جسے فرشتوں نے گھیر رکھا ہوگا۔ اس میں ایسی چیزیں ہوں گی جیسی آنکھوں نے کبھی نہ دیکھی نہ کانوں نے سنی اور نہ دلوں میں ان کا خیال آیا۔ فرمایا: ہم جوچاہیں گے (خادم) ہمارے لئے اٹھایئں گے۔ اس بازار میں نہ کوئی چیز بیچی جائے گی نہ خریدی جائے گی۔ اس بازار میں جنتی ایک دوسرے سے ملاقات کریں گے۔ ایک بلند درجے والا آدمی اپنے سے کم درجے والے کو ملے گا۔ اور ان میں سے کوئی حیقر نہیں ہوگا وہ (کم درجے والا) اس( بلند درجے والے) کے لباس کو دیکھ کر متاثر ہوجائے گا۔ لیکن ابھی اس کی بات ختم نہیں ہوگی۔ کہ اسے اپنا پہنا ہو لباس اس سے بہتر نظر آئے گا۔ اس کی وجہ یہ ہے کہ وہاں کوئی غمگین نہ ہوگا۔ فرمایا: پھر ہم اپنے گھروں کو واپس آیئں گے تو ہمیں ہماری بیویاں ملیں گی اور کہیں گی:خوش آمدید! آپ(گھر) آئے ہیں تو آپ کے حسن اور خوشبو میں روانگی کے وقت کی نسبت اضافہ ہوچکا ہے۔ ہم کہیں گے: آج ہم کو اپنے رب جبار عزوجل کی ہم نشینی کا شرف حاصل ہوا ہے۔ لہٰذا ہمیں اس انداز سے واپس آنا تھا جس شان سے آئے ہیں۔

×
حدیث ترجمہ:

سعید بن مسیب بیان کرتے ہیں کہ وہ ابوہریرہ ؓ سے ملے تو انہوں نے کہا: میں اللہ سے دعا کرتا ہوں کہ وہ مجھے اور تمہیں جنت کے بازار میں ملا دے، سعید بن مسیب نے کہا: کیا وہاں بازار بھی ہو گا؟ فرمایا: ہاں، مجھے رسول اللہ ﷺ نے بتایا ہے کہ ”اہل جنت جب جنت میں داخل ہوں گے تو ان کے مراتب اعمال کے مطابق ان کو جگہ ملے گی، پھر ان کو دنیا کے دنوں میں سے جمعہ کے دن کے برابر اجازت دی جائے گی، وہ اللہ عزوجل کی زیارت کریں گے، اللہ تعالیٰ ان کے لیے اپنا عرش ظاہر کرے گا، اور ان کے سامنے جنت کے باغات میں سے ایک باغ میں جلوہ افروز ہو گا، ان کے لیے منبر رکھے جائیں گے، نور کے منبر، موتی کے منبر، یاقوت کے منبر، زبرجد کے منبر، سونے اور چاندی کے منبر اور ان میں سے کم تر درجے والا (حالانکہ ان میں کم تر کوئی نہ ہو گا) مشک و کافور کے ٹیلوں پر بیٹھے گا، اور ان کو یہ خیال نہ ہو گا کہ کرسیوں والے ان سے زیادہ اچھی جگہ بیٹھے ہیں“۔ ابوہریرہ ؓ نے کہا کہ میں نے عرض کیا: اللہ کے رسول! کیا ہم اپنے رب کو دیکھیں گے؟ فرمایا: ”ہاں ، کیا تم سورج اور چودھویں کے چاند کو دیکھنے میں جھگڑتے ہو“؟ ہم نے کہا: نہیں، فرمایا: ”اسی طرح تم اپنے رب عزوجل کو دیکھنے میں جھگڑا نہیں کرو گے اور اس مجلس میں کوئی شخص نہیں بچے گا مگر اللہ تعالیٰ ہر شخص سے گفتگو کرے گا، یہاں تک کہ وہ ان میں سے ایک شخص سے کہے گا: اے فلاں! کیا تمہیں یاد نہیں کہ ایک دن تم نے ایسا ایسا کیا تھا؟ (اس کو دنیا کی بعض غلطیاں یاد دلائے گا) تو وہ کہے گا: اے میرے رب! کیا تم نے مجھے معاف نہیں کیا؟ اللہ تعالیٰ فرمائے گا: کیوں نہیں، میری وسیع مغفرت ہی کی وجہ سے تو اس درجے کو پہنچا ہے، وہ سب اسی حالت میں ہوں گے کہ ان کو اوپر سے ایک بادل ڈھانپ لے گا، اور ایسی خوشبو برسائے گا جو انہوں نے کبھی نہ سونگھی ہو گی، پھر فرمائے گا: اب اٹھو اور جو کچھ تمہاری مہمان نوازی کے لیے میں نے تیار کیا ہے اس میں سے جو چاہو لے لو، فرمایا: پھر ہم ایک بازار میں آئیں گے جس کو فرشتوں نے گھیر رکھا ہو گا، اس میں وہ چیزیں ہوں گی جن کے مثل نہ آنکھوں نے دیکھا، نہ کانوں نے سنا، اور نہ دلوں نے سوچا، (فرمایا) ہم جو چاہیں گے ہمارے لیے پیش کر دیا جائے گا، اس میں کسی چیز کی خرید و فروخت نہ ہو گی، اس بازار میں اہل جنت ایک دوسرے سے ملیں گے، ایک اونچے مرتبے والا شخص آگے بڑھے گا اور اپنے سے نیچے درجے والے سے ملے گا (حالانکہ ان میں کوئی کم درجے کا نہ ہو گا) وہ اس کے لباس کو دیکھ کر مرعوب ہو گا، لیکن یہ دوسرا شخص اپنی گفتگو پوری نہ کر پائے گا کہ اس پر اس سے بہتر لباس آ جائے گا، ایسا اس لیے ہے کہ جنت میں کسی کو کسی چیز کا غم نہ رہے“۔ ابوہریرہ ؓ فرماتے ہیں: پھر ہم اپنے گھروں کو لوٹیں گے، تو ہماری بیویاں ہم سے ملیں گی، اور خوش آمدید کہیں گی، اور کہیں گی کہ تم آ گئے اور تمہاری خوبصورتی اور خوشبو اس سے کہیں عمدہ ہے جس میں تم ہمیں چھوڑ کر گئے تھے، تو ہم کہیں گے: آج ہم اپنے رب کے پاس بیٹھے، اور یہ ضروری تھا کہ ہم اسی حال میں لوٹتے۔

حدیث حاشیہ:
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم4467
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)4336
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)4327
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)4336
٥. ترقيم الأعظمي (برنامج الكتب التسعة)ترقیم اعظمی (کتب تسعہ پروگرام)4392
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)4462
٧. ترقيم دار الرّسالة العالمية (جامع خادم الحرمين للسنة النبوية)ترقیم دار الرسالہ العالمیہ (خادم الحرمین الشریفین حدیث ویب سائٹ)4336
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)4336

الحكم على الحديث

×
اسم العالمالحكم
١. فضيلة الشيخ الإمام محمد ناصر الدين الألبانيضعیف
٢. فضيلة الشيخ العلّامة شُعيب الأرناؤوطإسناده ضعيف
٣. مجلس علمي (دار الدّعوة، دهلي)ضعيف
٤. فضيلة الشيخ حافظ زبير علي زئيإسناده ضعيف

تمہید باب

×

تمہید کتاب

×

٭لغوی معنی: لغت میں زہد کے معنی:عبادت گزاری'مذہبیت اختیار کرنا' دنیا سے بے رغبتی اور کنارہ کشی کرنا ہیں۔٭اصطلاحی تعریف :(الزاهد:ترك مالا ينفع في الاخرة والورع ترك ما تخاف ضرره )"آخرت کے لیے غیر مفید چیزوں کو ترک کرنا  زہد اور کسی چیز کو نقصان کے خدشے سے چھوڑ دینا ورع ہے۔"زہد کی اقسام: امام احمد ؒ نے زہد کو تین اقسام میں تقسیم کیا ہے:1۔حرام چیزوں کو ترک کرنا'یہ ادنی درجے کا زہد ہے۔2۔ ضرورت سے زائد حلال چیزوں کو ترک کرنا'یہ متوسط  درجے کا زہد ہے۔3۔اللہ تعالی کی یاد سے غافل کرنے والی چیز کو ترک کردینا'یہ اعلی درجے کا زہد ہے۔(كتاب الزهد’للامام وكيع بن جراح :1/123/145)دنيا كی زندگی دارالامتحان ہے۔آزمائشوں اور مصیبتوں 'مشکلات ومحن کا گھر ہے' لہذا اس میں اللہ تعالی کی تقدیر و مشیت پر صبر ورضا کا مظاہرہ کرنا'اس کی دی ہوئی نعمتوں کا شکر بجالانا اور اپنی ضروریات کو حاصل شدہ وسائل کے  مطابق ڈھال کر قناعت کامظاہر ہ کرنا بے حد ضروری ہے۔دوسروں کی دولت وامارت کودیکھ کر ناشکری کا شکار ہوجانا یا دولت مندی کے حصول کے لیے  دوڑ لگا دینا اس دارالامتحان کے تقاضوں کے خلاف ہے کیونکہ یہ دنیا چند دن کی ہے۔باقی  رہنے والی زندگی دارالجزاء میں ہے جس کی  نعمتیں  لافانی اور لازوال ہیں ۔ان کے حصؤل کے لیے زیادہ سے زیادہ کوشش کرنا مطلوب ومقصود ہے۔اس دنیا کی بے ثباتی 'کم وقعتی اور بے حقیقتی کو واضح کرتے ہوئے پروردگار عالم فرماتا ہے:( اعلموا انما الحياة الدنيا لعب ولهو وزينة وتفاخر بينكم وتكا ثر في الاموال والاولاد كمثل غيث اعجب الكفار نباته ثم يهيج  فتراه مصفرا ثم يكون حطاما وفي الاخرة عذاب شديد و مغفرة من الله ورضوان وما الحيوة الدنيا الامتاع الغرور) (الحديد57/20)"تم جان لو کہ دنیاوی زندگی محض کھیل 'تماشا اور زینت ہے اور آپس میں فخر جتانا اور ایک  دوسرے  پر مال اور اولاد میں کثرت جتانا ہے(اس کی مثال یوں ہے) جیسے بارش کہ اس(پیدا شدہ) نباتات کسانوں کو خوش کرتی ہیں'پھر وہ خشک  ہوجاتی ہیں تو آپ اسی زرد ہوتی  دیکھتے ہیں ؛پھر وہ چور چور ہوجاتی ہیں'اور آخرت میں (کفار کے لیے) شدید عذاب ہے'اور (مومنوں کے لیے) اللہ کی طرف  سے مغفرت اور رضامندی ہے اور دنیاوی زندگی تو بس دھوکے کا سامان ہے۔"لیکن ہم مسلمان تو اسی دھوکے کے سامان کے حصول کے لیے دن رات ایک کیے ہوئے ہیں'حالانکہ رسول اکرم ﷺ نے بھی مومنوں کو اس دنیا سے کامیاب لوٹنے کی تر غیب اپنے قول اور عمل دونوں  سے دی ہے۔اگر آپ چاہتے ہیں تو زمین اپنے  خزانے آپ کے قدموں  میں ڈھیر کرسکتی  تھی۔آسمان اپنی نعمتیں نچھاور  کرسکتا تھا مگر آپ نے ہمیشہ سادگی'قناعت پسندی  اور زہد وورع کو اپنا کر امت کو یہ درس دیا  کہ اس دارالامتحان میں اس طرح جینا سیکھو۔اگر دنیا میں کام یاب عمل کرکے لوٹو گے تو اخرت میں ابدی اور لازوال نعمتیں تمھارا مقدر بنیں گی 'اس لیے مسلمانوں کو ہردم آپ کا یہ فرمان مد نظر  رکھنا چاہیے: (كن  في الدنيا كانك غريب او عابر سبيل) (صحيح البخاري ’الرقاق ’باب قول النبي ﷺ(كن في الدنيا كانك غريب اوعابر سبيل ) (’حديث:6416)"دنیا میں اس طرح رہو جیسے کوئی  غریب  الوطن  مسافر یا راہ گزر رہتا ہے۔" نیز فرمایا:(الدنيا سجن المؤمن و جنة الكافر ) (’حديث :2956)" دنیا مومن کی قید اور کافر کی جنت ہے۔"

تمہید باب عربی

×

تمہید کتاب عربی

×