لغوی معنی: [فرائض]: فريضةکی جمع ہے۔ یہ فرض سے اسم مصدر ہے۔ امام جوہری  فرماتے ہیں: فرض سے مراد الله تعالی کی واجب کردہ اشیاء ہیں۔٭ اصطلای تعریف: (علم يعرف به من يرث ومن لا يرث و مقدار ما لكل وارث) ’’فرائض سے مراد وہ علم ہے جس سے پتہ چلتا ہے کہ کون وارث ہے کون وارت نہیں اور ہر وارث کا کیا حق ہے ۔‘‘٭ وراثت کی مشروعیت: اسلام سے قبل دنیا میں یہ دستور تھا کہ طاقتور وارث بنتا اور کمزور کو اپنے اقرباء کی وراثت سے کچھ نہ دیا جا تا ‘عورتوں کو یکسر محروم رکھا جاتا کیونکہ مردوں کا خیال تھا کہ وہ جائیدادکے اکیلے وارث ہوں گے اس لیے کہ وہ میدان جنگ میں شریک ہوتے اور اپنے قبیلے کا دفاع کرتے ہیں۔ ان تمام غلط تا ٔو یلات اور مظالم کوختم کرنے کے لیے اللہ تعالی نے وراثت کے حق داروں اور ان کے حصوں کا تعین فرمادیا تا کہ ہرشخص کو اس کا حق، بغیر ظلم کے مل سکے۔ارشاد باری تعالی ہے: (لِلرِّجَالِ نَصِيبٌ مِمَّا تَرَكَ الْوَالِدَانِ وَالْأَقْرَبُونَ وَلِلنِّسَاءِ نَصِيبٌ مِمَّا تَرَكَ الْوَالِدَانِ وَالْأَقْرَبُونَ مِمَّا قَلَّ مِنْهُ أَوْ كَثُرَ نَصِيبًا مَفْرُوضًا)(النساء4/7)’’جو مال ماں باپ اور رشتے دار چھوڑ مریں ‘ تھوڑا ہو یا زیادہ اس میں مردوں کا بھی حصہ ہے اور عورتوں کا بھی یہ (اللہ کے) مقرر کیے ہوئے حصے ہیں ۔‘‘رسول اللہ ﷺ فرماتے ہیں: [الحقوا الفرائض بأهلها، فما بقي فلأولى رجل ذكر] صحيح البخاري الفرائض باب ميراث الولد من أبيه و أمه حدیث:6732، وصحيح مسلم الفرائض باب ألحقوا الفرائض بأهلها فما بقي فلأولى رجل ذکر حدیث:1615) ’’مقرره حصے  ان کے مستحقوں کو دو اور جو باقی بچے وہ (میت کے )قریب ترین مرد درشتے دار کا حصہ ہے۔“نبیﷺنے یہ بھی فرمایا: [إن الله قد أعطي كل ذي حق حقه فلا وصية لوارث ] (سنن أبي داود البيوع باب في تضمين العارية حديث:  3525) ”یقینا اللہ تعالی نے ہر صاحب کو اس کا حق دے دیا ہے ‘ بنابر یں اب وارث کے لیے وصیت کرنا جائز نہیں ہے۔‘‘٭ وراثت کے اسباب و موانع اور شرائط: اسباب: وراثت کے مندرجہ ذیل اسباب ہیں:1۔نسبی قرابت: میت کے وہ ورثاء وخونی رشتے کی وجہ سے وارث بنتے ہیں، ان کا تعلق فروع ( اولا دیا اولاد کی اولا د ) سے ہو یا اصول ( والدین یا   والدین کے والدین )سے یا اطراف ( بھائی چاچایا  ان کی اولاد ) سے۔ ارشاد باری تعالی ہے :( ولكل جعلنا موالى مما ترك الوالدان والاقربون) (النساء 4/33) ) ”اور ہر مال میں جو والدین اور قریبی رشتے دار چھوڑ جائیں ہم نے  حق دار مقرر کیے ہیں۔‘‘2۔نکاح مسنون نکاح کی وجہ سے میاں بیوی ایک دوسرے کے وارث بنتے ہیں، خواه درخصتی و خلوت ہوئی ہو یانہ ہوئی ہو۔ ارشاد باری تعالی ہے: (ولم نصف ما ترك  ازواجکم) (النساء4/12) اور تمھاری بیویوں کے ترکے میں سے تمھارے لیے نصف ہے۔“3۔ ولاء: کوئی شخص غلام یا  لونڈی کو آزاد کرے اور آزاد شد ہ فوت ہو جائے اور اس کا کوئی نسبی وارث نہ ہوتو آزاد کرنے والا اس کا وارث ہوگا جیسا کہ رسول اللہ ﷺنے فرمایا: [إنما الولاء لمن أعتق] (صحيح البخاري الزكاة باب الصدقة على موالي أزواج النبي ﷺ حديث: 1493، وصحيح مسلم العتق باب بيان أن الولاءلمن أعتق حديث:1504)٭ موانع: 1۔کفر مسلمان کا فر کا اور کافر مسلمان کا وارث نہیں ہوتا خواہ کتنی ہی قریبی رشتے داری ہو۔ 2۔قتل  جس  قتل کی وجہ سے قصاص یا دیت لازم آئے اس قتل کی بنا پر قاتل وراثت سے محروم ہو جاتا ہے۔ رسول اللہ ﷺ نے فرمایا: ”قاتل کسی چیز کا وارث نہیں بن سکتا۔ (سنن أبي داود، الديات باب ديات الأعضاء حدیث :4564) 3۔غلامی: غلام نہ خود وارث بنا ہے نہ اس کا کوئی وارث بنتا ہے کیونکہ اس کی تمام کمائی مالک کی ہوتی ہے البتہ وہ غلام جس کا کچھ حصہ آزاد ہو تو وہ اپنے آزادشده حصے کے مطابق وارث ہوگا ۔ نبی اکرمﷺ نے فرمایا:جب مکاتب غلام حد یا  میراث کو پہنچے تو وہ آزاد شدہ حصے کے مطابق وارث بنایا جائے گا ۔“ (سنن أبي داود، الديات، باب في دية المكاتب حدیث: 4582) 4۔ ولد زنا: زنا سے پیدا ہونے والا بچہ اپنے زانی باپ کا اور باپ اس بچے  کا وارث نہیں ہوگا البتہ وہ اپنی ماں کا اور اس کی ماں اس کی وارث ہوگی۔ 5۔لعان: لعان کے بعد میاں بیوی ایک دوسرے کے وار ث نہیں رہتے۔6۔ مردہ بچہ پیدا ہو تو وہ بھی وارث نہیں ہوتا۔شراط : 1۔ وراثت کے مواقع موجود نہ ہوں ۔ 2۔وارث اپنے مورّث کی وفات کے وقت زندہ ہو۔3۔مورّث   کی موت کا یقین ہو۔ (احکام وراثت  سے متعلق تفصیل کیلے دیکھیے ’’اسلای قانون و راثت طبع دار السلام)