التخريج

قسم الحديث (القائل): مرفوع ، اتصال السند: متصل ، قسم الحديث: قولی

سنن ابن ماجه: کِتَابُ التَّيَمَُ (بَابُ الْحَائِضِ لَا تَقْضِي الصَّلَاةَ)

حکم : صحیح

ترجمة الباب:

631 .   حَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا عَلِيُّ بْنُ مُسْهِرٍ عَنْ سَعِيدِ بْنِ أَبِي عَرُوبَةَ عَنْ قَتَادَةَ عَنْ مُعَاذَةَ الْعَدَوِيَّةِ عَنْ عَائِشَةَ أَنَّ امْرَأَةً سَأَلَتْهَا أَتَقْضِي الْحَائِضُ الصَّلَاةَ قَالَتْ لَهَا عَائِشَةُ أَحَرُورِيَّةٌ أَنْتِ قَدْ كُنَّا نَحِيضُ عِنْدَ النَّبِيِّ صَلَّى اللَّهُ عَلَيْهِ وَسَلَّمَ ثُمَّ نَطْهُرُ وَلَمْ يَأْمُرْنَا بِقَضَاءِ الصَّلَاةِ

سنن ابن ماجہ:

کتاب: تیمم کے احکام ومسائل 

  (

باب: عورت حیض کے دنوں میں چھوڑی ہوئی نمازوں کی قضا نہ دے

)  

مترجم: ١. فضيلة الشيخ محمد عطاء الله ساجد (دار السّلام)

631.   جناب معاذہ عدویہرحمہا اللہ سے روایت ہے کہ سیدہ عائشہ‬ ؓ س‬ے ایک عورت نے سوال کیا: کیا حیض والی عورت نماز کی قضا دے گی؟ سیدہ عائشہ‬ ؓ ن‬ے اس سے کہا: کیا تو حروری (خارجی) ہے؟ ہمیں نبی ﷺ کی موجودگی میں حیض آتا تھا، پھر ہم پاک ہو جاتی تھیں، تو آپ ﷺ نے ہمیں (کبھی) نماز کی قضا دینے کا حکم نہیں فرمایا۔

ترقیم کوڈ اسم الترقيم نام ترقیم رقم الحديث (حدیث نمبر)
١ ترقيم موقع محدّث ویب سائٹ محدّث ترقیم 673
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 631
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 623
٤ ترقيم فؤاد عبد الباقي (برنامج الكتب التسعة) ترقیم فواد عبد الباقی (کتب تسعہ پروگرام) 631
٥ ترقيم الأعظمي (برنامج الكتب التسعة) ترقیم اعظمی (کتب تسعہ پروگرام) 628
٦ ترقيم شرکة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 673
٧ ترقيم دار الرّسالة العالمية (جامع خادم الحرمين للسنة النبوية) ترقیم دار الرسالہ العالمیہ (خادم الحرمین الشریفین حدیث ویب سائٹ) 631
٨ ترقيم فؤاد عبد الباقي (دار السلام) ترقیم فواد عبد الباقی (دار السلام) 631
ترجمۃ الباب:


حدیث ترجمہ:

جناب معاذہ عدویہرحمہا اللہ سے روایت ہے کہ سیدہ عائشہ‬ ؓ س‬ے ایک عورت نے سوال کیا: کیا حیض والی عورت نماز کی قضا دے گی؟ سیدہ عائشہ‬ ؓ ن‬ے اس سے کہا: کیا تو حروری (خارجی) ہے؟ ہمیں نبی ﷺ کی موجودگی میں حیض آتا تھا، پھر ہم پاک ہو جاتی تھیں، تو آپ ﷺ نے ہمیں (کبھی) نماز کی قضا دینے کا حکم نہیں فرمایا۔
حدیث حاشیہ:

(1) عورت حیض کی حالت میں نماز نہیں پڑھ سکتی۔ (صحيح البخاري، الحيض، باب ترك الحائض الصوم، حديث:304) اس مسئلہ پر بعض خوارج کے سوا تمام مسلمانوں کا اتفاق ہے۔ اس لیے حضرت عائشہ نے اس خاتون کے سوال پر تعجب کرتے ہوئے فرمایا کہ ایسے سوال تو خارجی کرتے ہیں۔
(2) یہ اللہ کا عورتوں پر احسان ہے کہ اس نے ان ایام کی چھوٹی ہوئی نمازوں کی قضاء کا حکم نہیں دیا ورنہ ہر مہینے آٹھ دس دن کی مسلسل قضاء نمازیں ادا کرنا بہت مشکل ہوتا۔ اس کے برعکس روزے سال میں ایک ہی دفعہ آتے ہیں لہٰذا چھوٹے ہوئے آٹھ دس روزے سال کے گیارہ مہینوں میں کسی بھی وقت رکھ لینا مشکل نہیں۔
(3) عبادات میں یہ اصول ہے کہ کوئی عمل اس وقت تک واجب نہیں ہوتا جب تک اس کا حکم نہ دیا جائے اس سے حضرت عائشہ نے استدلال کرتے ہوئے فرمایا کہ اگر ان نمازوں کی قضاء واجب ہوتی نبی صلی اللہ علیہ وسلم ضرور حکم فرماتے۔ اس کے برعکس معاملات میں جواز اور اباحت اصل ہے۔ جب تک کسی کام کی ممانعت کی دلیل نہ ہو وہ جائز ہی سمجھا جائے گا، اس اصول کو ’’برات اصلية‘‘ کہتے ہیں۔
ترجمۃ الباب:


حدیث ترجمہ:

ام المؤمنین عائشہ‬ ؓ ک‬ہتی ہیں کہ ایک عورت نے ان سے پوچھا: کیا حائضہ نماز کی قضاء کرے گی؟ انہوں نے کہا: کیا تو حروریہ (خارجیہ) ہے؟۔۱؎ ہمیں تو نبی اکرم ﷺ کے پاس حیض آتا تھا، پھر ہم پاک ہو جاتی تھیں، آپ ؐ ہمیں نماز کی قضاء کا حکم نہیں دیتے تھے۔۲؎۔
حدیث حاشیہ:

۱؎: حروریہ: حروراء کی طرف منسوب ہے جو کوفہ کے قریب ایک جگہ کا نام ہے، یہ خوارج کے ایک گروہ کا نام ہے، یہ لوگ حیض کے مسئلہ میں متشدد تھے ان کا کہنا تھا کہ حائضہ روزے کی طرح نماز کی بھی قضا کرے گی، اسی وجہ سے ام المؤمنین عائشہ رضی اللہ عنہا نے اس عورت سے کہا (أَحَرُورِيَّةٌ أَنْتِ) ”کیا تو حروریہ ہے “ یعنی تو بھی وہی عقیدہ رکھتی ہے جو حروری (خارجی) رکھتے ہیں۔
۲؎ : حائضہ پر نماز کی قضا نہیں ہے، لیکن روزہ کی قضا ہے، ابن منذر اور نووی نے اس پر امت کا اجماع نقل کیا ہے، نیز صحیحین میں ام المؤمنین عائشہ رضی اللہ عنہا کی ایک حدیث میں ہے کہ ہم کو روزے کی قضا کرنے کا حکم ہوتا، اور نماز کے قضا کرنے کا حکم نہیں ہوتا۔
ترجمۃ الباب:


حدیث ترجمہ:

It was narrated from' Aisha (RA) that a woman asked her: "Does a woman who menstruates have to make up for the prayers she misses?" ‘ Aisha (RA) said to her: “Are you a Haruriyyah? We used to menstruate with the Prophet (ﷺ) then become pure, and he did not tell us to make up for the prayers we missed."

الحكم على الحديث

اسم العالمالحكم
١. فضيلة الشيخ الإمام محمد ناصر الدين الألبانيصحیح
٢. فضيلة الشيخ العلّامة شُعيب الأرناؤوطإسناده صحيح
٣. مجلس علمي (دار الدّعوة، دهلي)صحيح
٤. فضيلة الشيخ حافظ زبير علي زئيأخرجه البخاري