التخريج

قسم الحديث (القائل): مرفوع ، اتصال السند: متصل ، قسم الحديث: قولی

‌صحيح البخاري: كِتَابُ التَّمَنِّي (بَابُ مَا يُكْرَهُ مِنَ التَّمَنِّي)

حکم : أحاديث صحيح البخاريّ كلّها صحيحة 

ترجمة الباب: {وَلاَ تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَى بَعْضٍ لِلرِّجَالِ نَصِيبٌ مِمَّا اكْتَسَبُوا وَلِلنِّسَاءِ نَصِيبٌ مِمَّا اكْتَسَبْنَ وَاسْأَلُوا اللَّهَ مِنْ فَضْلِهِ إِنَّ اللَّهَ كَانَ بِكُلِّ شَيْءٍ عَلِيمًا} [النساء: 32]

7234. حَدَّثَنَا مُحَمَّدٌ حَدَّثَنَا عَبْدَةُ عَنْ ابْنِ أَبِي خَالِدٍ عَنْ قَيْسٍ قَالَ أَتَيْنَا خَبَّابَ بْنَ الْأَرَتِّ نَعُودُهُ وَقَدْ اكْتَوَى سَبْعًا فَقَالَ لَوْلَا أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ نَهَانَا أَنْ نَدْعُوَ بِالْمَوْتِ لَدَعَوْتُ بِهِ

مترجم:

ترجمۃ الباب:

اور اللہ نے سورۃ نساءمیں فرمایا ‘ ” اور نہ تمنا کرو اس چیز کی جس کے ذریعہ اللہ تعالیٰ نے تم میں سے بعض کو بعض پر ( مال میں ) فضیلت دی ہے ۔ مرد اپنی کمائی کا ثواب پائیں گے اور عورتیں اپنی کمائی کا اور اللہ تعالیٰ سے اس کا فضل مانگو بلا شبہ اللہ ہر چیز کا جاننے والا ہے ۔ اللہ ہر ایک کی حالت جانتا ہے جس کو جتنا دیا ہے ‘ اسی میں اس کی حکمت ہے پس لوگوں کو دیکھ کر ہوس کرنا کیا ضرور ہے ۔

7234.

حضرت قیس سے روایت ہے، انہوں نے کہا: ہم حضرت خباب بن ارتؓ کے پاس ان کی تیمار داری کے لیے حاضر ہوئے جبکہ انہوں نے سات داغ لگوائے تھے‘ انہوں نے فرمایا: اگر رسول اللہﷺ نے ہمیں موت کی تمنا کرنے سے منع نہ کیا ہوتا تو میں ضرور موت کی دعا کرتا۔

×
ترجمۃ الباب:

 ارشاد باری تعالیٰ ہے ’’اور اللہ تعالی نے تم میں سے ایک کو دوسرے پر فضیلت دی ہے تم اس کی تمنا نہ کرو....بے شک اللہ تعالی ہر چیز کو خوب جاننے والا ہے۔‘‘


حدیث ترجمہ:

ہم سے محمد نے بیان کیا‘ کہا ہم سے عبدہ نے بیان کیا‘ ان سے ابن ابی خالد نے‘ ان سے قیس نے بیان کیا کہ ہم خباب بن ارت ؓ کی خدمت میں ان کی عبادت کے لیے حاضر ہوئے۔ انہوں نے سات داغ لگوائے تھے‘ پھر انہوں نے کہا کہ اگر رسول اللہ ﷺ نے ہمیں موت کی دعا کرنے سے منع نہ کیا ہوتا تو میں اس کی دعا کرتا۔

حدیث حاشیہ:
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم7300
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)7234
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)6693
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)7234
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)6807
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)6964
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)7234
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)7234
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)7234

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

ایسی تمنائیں منع ہیں جو حسد اور باہمی بغض وعداوت کو دعوت دیں یا فطرتِ انسانی سےٹکراتی ہوں،مثلاً:اللہ تعالیٰ نے کسی کو کوئی خوبی دے رکھی ہے اور کسی کو کوئی دوسری ایک مال دار ہے،دوسرا غریب ہے،کوئی حسین ہے کوئی بدصورت تو ان صفات کے اختلاف کی بنا پر حسد،ہوس اور بغض نہیں رکھنا چاہیے ،چنانچہ حدیث میں ہے کہ حضرت ام سلمہ رضی اللہ تعالیٰ عنہا نے کہا:مرد جہاد کرتے ہیں عورتوں کا جنگ میں کوئی حصہ نہیں،عورتوں کے لیے نصف میراث ہے،جب انھوں نے اس نہج پر سوچنا شروع کردیا تواللہ تعالیٰ نے مذکورہ بالاآیت نازل فرمائی۔(جامع الترمذی تفسیر القرآن حدیث 3022)

تمہید کتاب

×

لغوی طور پر(تمني)،( أُمْنِيَّة) سے باب (تَفَعُّل) ہے۔اس کے معنی تمنا کرناہیں۔اس كا تعلق مستقبل سے ہے،پھر یہ تعلق اگراچھی چیز سے ہو اور اس کی بنیاد حسد نہ ہو تو قابل  تعریف بصورت دیگر قابل مذمت ہے۔بعض اوقات انسان کسی کا مال ودولت دیکھ کر لمبی لمبی تمنائیں کرنی شروع کردیتا ہے اور ٹھنڈی آہیں بھرتا ہے جسےشریعت نے مستحسن اور پسندیدہ قرارنہیں دیا جیسا کہ قرآن کریم نے بیان کیا ہے:"ایک دن قارون اپنی قوم کے سامنے بڑے ٹھاٹ باٹ سے نکلا تو جو لوگ دنیا کے طلب گار تھے وہ کہنے لگے:کاش!ہمیں بھی وہی کچھ میسر ہوتا جوقارون کو دیا گیا ہے۔وہ تو بہت بختوں اور بڑے نصیب والا ہے۔"(القصص 28/79)پھر جب اس کا انجام سامنے آیا کہ اسے مال واسباب سمیت زمین میں  دھنسا  دیاگیا تو جو لوگ قارون کے خزانوں کی تمنا کررہے تھے کہنے لگے:"ہماری حالت پر افسوس !اللہ ہی اپنے بندوں میں ہے جس کاچاہے رزق کشادہ کردیتا ہے اور جس کا چاہے تنگ کردیتاہے۔اگراللہ ہم پر احسان نہ کرتاتو ہمیں بھی دھنسا دیا جاتا۔"(القصص 28/82)امام بخاری رحمۃ اللہ علیہ  نے اس عنوان کے تحت تمناؤں کےسلسلے میں ہماری رہنمائی فرمائی ہے۔کون سی تمنا مذموم ہے اور کون سی تمنا اللہ تعالیٰ کے ہاں قابل تعریف ہے،آپ نے اس سلسلے میں بیس(20) مرفوع احادیث کا انتخاب کیا ہے اور ان پر نو(9) مختلف چھوٹے چھوٹے عنوان قائم کیے ہیں۔جن سے پتا چلتا ہے کہ امام بخاری رحمۃ اللہ علیہ  صرف قابل قدر فقیہ ہی نہ تھے بلکہ ایک زبردست مصلح بھی تھے جو اپنے انداز اصلاح امت کا جذبہ وافر مقدار میں رکھتے تھے۔درج ذیل عنوانات دیکھ کر اس بات کا اندازہ کیا جاسکتا ہے۔©۔شہادت کی آرزو کرنا©۔نیک کام کی تمنا کرنا۔©۔قرآن اور علم کی خواہش کرنا©۔کون کون سی تمنائیں مکروہ ہیں©۔دشمن سے مڈ بھیڑ ہونے کی آرزو جائز نہیں©۔اگر مگر کے الفاظ کہاں جائزاور کہاں ناجائز ہیں۔بہرحال اگر انسان کی تمنا کسی خیر اور بھلائی والے کام سے متعلق ہے اور اس کے حصول کے لیے جائزذرائع کو عمل میں لاتا ہے تو ایسی آرزو یقیناً باعث برکت اور اللہ تعالیٰ کے ہاں ثواب کا ذریعہ ہے اوراگر اس کی خواہش کا تعلق دنیا سے ہے اور اس کے حصول کے لیے جائز ناجائز ہرقسم کے اسباب وذرائع استعمال کرتا ہے توایسی خواہش کو کسی صورت میں مستحسن قرارنہیں دیا جاسکتا۔اللہ تعالیٰ ہمیں نیک خواہشات رکھنے اور نیک اعمال کرنے کی توفیق عطا فرمائے۔آمین

تمہید باب عربی

×

تمہید کتاب عربی

×