جامع ترمذی: كتاب: طہارت کے احکام ومسائل (باب: داہنے ہاتھ سے استنجا کرنے کی کراہت​)

ترجمۃ الباب:

15.

ابوقتادہ حارث بن ربعی انصاری ؓ  کہتے ہیں کہ نبی اکرم ﷺ نے اس بات سے منع فرمایا ہے کہ آدمی اپنے داہنے ہاتھ سے اپنا ذکر (عضوتناسل) چھوئے۱؎۔ اس باب میں عائشہ، سلمان، ابوہریرہ اور سھل بن حنیف‬ رضی اللہ عنہم س‬ے بھی احادیث آئی ہیں۔
امام ترمذی کہتے ہیں:
۱- یہ حدیث حسن صحیح ہے۔
۲- اکثر اہل علم کا اسی پر عمل ہے، ان لوگوں نے داہنے ہاتھ سے استنجاء کرنے کو مکروہ جاناہے۔