جامع ترمذی: كتاب: لباس کے احکام ومسائل (باب: نیاکپڑاپہنتے وقت کیا دعا پڑھے؟​)

ترجمۃ الباب:

1767.

ابوسعیدخدری ؓ کہتے ہیں: جب رسول اللہ ﷺ کوئی نیا کپڑا پہنتے تو اس کا نام لیتے جیسے عمامہ (پگڑی)، قمیص یاچادر، پھرکہتے: (اللَّهُمَّ لَكَ الْحَمْدُ، أَنْتَ كَسَوْتَنِيهِ أَسْأَلُكَ خَيْرَهُ، وَخَيْرَ مَا صُنِعَ لَهُ، وَأَعُوذُ بِكَ مِنْ شَرِّهِ وَشَرِّ مَا صُنِعَ لَهُ) (اللہ! تیرے ہی لیے تعریف ہے، تو نے ہی مجھے یہ پہنایا ہے، میں تم سے اس کی خیراوراس چیز کی خیرکا طلب گارہوں جس کے لیے یہ بنایاگیا ہے ، اوراس کی شراوراس چیز کے شرسے تیری پناہ مانگتا ہوں جس کے لیے یہ بنایاگیاہے)۔
امام ترمذی کہتے ہیں:
۱۔ یہ حدیث حسن غریب صحیح ہے۔
۲۔ اس باب میں عمراورابن عمر ؓ سے بھی احادیث آئی ہیں۔