جامع ترمذی: كتاب: قرآن کریم کے فضائل ومناقب کے بیان میں (باب: سورہ ملک کی فضیلت کابیان​)

ترجمۃ الباب:

2890.

عبداللہ بن عباس ؓ سے روایت ہے کہ صحابہ میں سے کسی نے اپنا خیمہ ایک قبر پر نصب کر دیا اور انہیں معلوم نہیں ہوا کہ وہاں قبر ہے، (انہوں نے آوازسنی) اس قبر میں کوئی انسان سورہ ﴿تَبَارَكَ الَّذِي بِيَدِهِ الْمُلْكُ﴾ پڑھ رہا تھا، یہاں تک کہ اس نے پوری سورہ ختم کر دی۔ وہ صحابی نبی اکرم ﷺ کے پاس آئے پھر آپﷺ سے کہا: اللہ کے رسولﷺ! میں نے اپنا خیمہ ایک قبر پر نصب کر دیا، مجھے گمان نہیں تھا کہ اس جگہ پر قبر ہے۔ مگر اچانک کیا سنتا ہوں کہ اس جگہ ایک انسان سورہ (تبارك الملك) پڑھ رہا ہے اور پڑھتے ہوئے اس نے پوری سورہ ختم کردی۔ آپﷺ نے فرمایا: ’’یہ سورہ مانعہ ہے، یہ نجات دینے والی ہے، اپنے پڑھنے والے کو عذاب قبر سے بچاتی ہے‘‘۔
امام ترمذی کہتے ہیں:
۱۔ یہ حدیث اس سند سے حسن غریب ہے۔
۲۔ اس باب میں ابوہریرہ سے بھی روایت ہے۔