جامع ترمذی: كتاب: مسنون ادعیہ واذکار کے بیان میں (باب: تسبیح ‘تحمید‘تہلیل اور تکبیرات کا ثواب)

ترجمۃ الباب:

3471.

عبداللہ بن عمرو ؓ کہتے ہیں کہ رسول اللہ ﷺ نے فرمایا: ’’جس نے سو بار صبح اور سو بار شام تسبیح پڑھی (یعنی سُبْحَانَ اللهِ کہا) تو وہ سو حج کیے ہوئے شخص کی طرح ہو جاتا ہے۔ اور جس نے سو بار صبح اور سو بار شام میں اللہ کی حمد بیان کی (یعنی اَلْحَمْدُ لِلّہ کہا) اس نے گویا کہ فی سبیل اللہ غازیوں کی سواریوں کے لیے سوگھوڑے فراہم کئے (راوی کو شک ہو گیا یہ کہا یا یہ کہا) گویا کہ اس نے سو جہاد کئے، اور جس نے سو بار صبح اور سو بار شام کو اللہ کی تہلیل بیان کی (یعنی لَاإلٰہَ اِلَّا اللہ) کہا تو وہ ایسا ہو جائے گا گویا کہ اس نے اولاد اسماعیل میں سے سو غلام آزاد کئے اور جس نے سو بار صبح اور سو بار شام کو اللہ اکبر کہا تو قیامت کے دن کوئی شخص اس سے زیادہ نیک عمل لے کر حاضر نہ ہو گا، سوائے اس کے جس نے ا س سے زیادہ کہا ہو گا یا اس کے برابر کہا ہو گا‘‘۔
امام ترمذی کہتے ہیں: یہ حدیث حسن غریب ہے۔