التخريج

قسم الحديث (القائل): مرفوع ، اتصال السند: متصل ، قسم الحديث: قولی

سنن ابن ماجه: كِتَابُ الْأَذَانِ وَالسُّنَّةُ فِيهِ (بَابُ بَدْءِ الْأَذَانِ)

حکم : ضعیف وبعضه صحيح 

707. حَدَّثَنَا مُحَمَّدُ بْنُ خَالِدِ بْنِ عَبْدِ اللَّهِ الْوَاسِطِيُّ حَدَّثَنَا أَبِي عَنْ عَبْدِ الرَّحْمَنِ بْنِ إِسْحَقَ عَنْ الزُّهْرِيِّ عَنْ سَالِمٍ عَنْ أَبِيهِ أَنَّ النَّبِيَّ صَلَّى اللَّهُ عَلَيْهِ وَسَلَّمَ اسْتَشَارَ النَّاسَ لِمَا يُهِمُّهُمْ إِلَى الصَّلَاةِ فَذَكَرُوا الْبُوقَ فَكَرِهَهُ مِنْ أَجْلِ الْيَهُودِ ثُمَّ ذَكَرُوا النَّاقُوسَ فَكَرِهَهُ مِنْ أَجْلِ النَّصَارَى فَأُرِيَ النِّدَاءَ تِلْكَ اللَّيْلَةَ رَجُلٌ مِنْ الْأَنْصَارِ يُقَالُ لَهُ عَبْدُ اللَّهِ بْنُ زَيْدٍ وَعُمَرُ بْنُ الْخَطَّابِ فَطَرَقَ الْأَنْصَارِيُّ رَسُولَ اللَّهِ صَلَّى اللَّهُ عَلَيْهِ وَسَلَّمَ لَيْلًا فَأَمَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِلَالًا بِهِ فَأَذَّنَ قَالَ الزُّهْرِيُّ وَزَادَ بِلَالٌ فِي نِدَاءِ صَلَاةِ الْغَدَاةِ الصَّلَاةُ خَيْرٌ مِنْ النَّوْمِ فَأَقَرَّهَا رَسُولُ اللَّهِ صَلَّى اللَّهُ عَلَيْهِ وَسَلَّمَ قَالَ عُمَرُ يَا رَسُولَ اللَّهِ قَدْ رَأَيْتُ مِثْلَ الَّذِي رَأَى وَلَكِنَّهُ سَبَقَنِي

مترجم:

707.

سیدنا عبداللہ بن عمر ؓ سے روایت ہے، رسول اللہ ﷺ نے لوگوں سے مشورہ کیا کیوں کہ نماز (باجماعت) کے لئے(آنے میں) انہیں مشکل پیش آتی تھی۔ (کیوں کہ بیک وقت جمع نہیں ہو پاتے تھے۔) حاضرین نے نرسنگے کا ذکر کیا لیکن آپ ﷺ نے یہودیوں (سے موافقت) کی وجہ سے اسے نا پسند فرمایا۔ پھر انہوں نے ناقوس کا ذکر کیا تو آپ ﷺ نے نصاری کی وجہ سے اسے نا پسند فرمایا۔ اسی رات ایک انصاری صحابی سیدنا عبداللہ بن زید ؓ کو اور سیدنا عمر بن خطاب ؓ کو (خواب میں) اذان دکھائی گئی۔ انصاری صحابی رسول اللہ ﷺ کے پاس رات کو آئے (اور اپنا خواب سنایا) چنانچہ رسول اللہ ﷺ نے سیدنا بلال ؓ کو حکم دیا اور انہوں نے اذان کہی۔ ایک روایت میں ہے کہ بلال ؓ نے صبح کی اذان میں ان الفاظ کا اضافہ فرمایا: (اَلصَّلَاةُ خَیْرٌ مِّنَ النَّوْمِ) ’’نماز نیند سے بہتر ہے۔‘‘ رسول اللہ ﷺ نے اسے قائم رکھا۔ حضرت عمر ؓ نے فرمایا: اے اللہ کے رسول! مجھے بھی اس جیسا خواب آیا تھا لیکن وہ مجھ سے سبقت لے گئے-

×
حدیث ترجمہ:

عبداللہ بن عمر ؓ کہتے ہیں کہ نبی اکرم ﷺ نے لوگوں سے اس مسئلہ میں مشورہ کیا کہ نماز کے لیے لوگوں کو اکٹھا کرنے کی کیا صورت ہونی چاہیئے، کچھ صحابہ نے بگل کا ذکر کیا (کہ اسے نماز کے وقت بجا دیا جائے) تو آپ ﷺ نے اسے یہود سے مشابہت کے بنیاد پر ناپسند فرمایا، پھر کچھ نے ناقوس کا ذکر کیا لیکن آپ ﷺ نے اسے بھی نصاریٰ سے تشبیہ کی بناء پر ناپسند فرمایا، اسی رات ایک انصاری صحابی عبداللہ بن زید اور عمر بن خطاب ؓ کو خواب میں اذان دکھائی گئی، انصاری صحابی رات ہی میں رسول اللہ ﷺ کے پاس پہنچے، آپ ﷺ نے بلال ؓ کو اس کا حکم دیا تو انہوں نے اذان دی ۔ زہری کہتے ہیں: بلال ؓ نے صبح کی اذان میں (اَلصَّلَاةُ خَیْرٌ مِّنَ النَّوْمِ) ’’نماز نیند سے بہتر ہے۔‘‘ کا اضافہ کیا، تو رسول اللہ ﷺ نے اسے برقرار رکھا۔ عمر ؓ نے عرض کیا: اللہ کے رسول! میں نے بھی وہی خواب دیکھا ہے جو عبداللہ بن زید نے دیکھا ہے، لیکن وہ (آپ کے پاس پہنچنے میں) مجھ سے سبقت لے گئے ۔

حدیث حاشیہ:
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم756
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)707
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)699
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)707
٥. ترقيم الأعظمي (برنامج الكتب التسعة)ترقیم اعظمی (کتب تسعہ پروگرام)692
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)756
٧. ترقيم دار الرّسالة العالمية (جامع خادم الحرمين للسنة النبوية)ترقیم دار الرسالہ العالمیہ (خادم الحرمین الشریفین حدیث ویب سائٹ)707
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)707

الحكم على الحديث

×
اسم العالمالحكم
١. فضيلة الشيخ الإمام محمد ناصر الدين الألباني ضعیف وبعضه صحيح
٢. فضيلة الشيخ العلّامة شُعيب الأرناؤوطإسناده ضعيف جدًا
٣. مجلس علمي (دار الدّعوة، دهلي)ضعيف
٤. فضيلة الشيخ حافظ زبير علي زئيإسناده ضعيف جدًا

تمہید باب

×

تمہید کتاب

×

٭اذان کی لغوی تعریف:لغت میں ازان سے مراد کسی شخص کو کسی چیز کی اطلاع دینا'کبر دینا یا اس چیز کے بارے میں بتاناہے۔ارشاد باری تعالی ہے:(واذان من الله ورسوله الي الناس) ( التوبه:9/ 103)’اللہ اور  اس کے رسول کی طرف  سے لوگوں کو صاف اطلاع ہے۔" نیز ارشاد ہے: ( واذن في الناس بالحج)  ( الحج:22/ 27) "اور لوگوں میں حج کی منادی کردیں۔''لیکن جب ( اذن يؤذن تاذينا) سے اذان'اسم مراد لیں گے تو اس کے معنی نماز کے وقت کی خبر دینا ہوں گے۔'( النھایۃ:1/34)٭اذان کی شرعی واصطلاحی تعریف: اذان  کی اصطلاحی تعریف یہ ہے:(الاعلام بوقت الصلوة بالفاظ مخصوصه) " مخصوص كلمات  کے ساتھ نماز کے وقت کی اطلاع دینااذان ہے۔"نیل الاوطار:2/35)اذان کی مشروعیت: جب تک رسول اللہ ﷺ مکہ مکرمہ میں رہے'مسلمانوں کو جمع کرنے'عبادت کے وقت کی اطلاع دینےاور ناگہانی  معاملات کی خبر دینے کے لیے (الصلاة جامعة) نماز کے لیے آؤ جو جمع کرنے والی ہے۔" کے کلمات سے منادی کی جاتی تھی 'پھر جب نبی ﷺ مدینہ منورہ تشریف آئے تو آپ نے دیکھا کہ یہود ونصاری نے اپنی اپنی عبادات کی اطلاع کے لیے الگ الگ شعار مقرر کر رکھے ہیں'نبی اکرم ﷺ کو مسلمانوں کی عبادت کے لیے اکھٹا کرنے کے شعار اور طریقے کی فکر لاحق ہوئی تو آپ ﷺ نے صحابہ کرام سے مشورہ طلب کیا'کسی نے یہودیوں کی طرح نر سنگا یا عیسائیوں کی مثل بگل بجانے کا مشورہ دیاتو بعض نے مجوسیوں کی طرح آگ جلانے کی رائے دی۔لیکن آپ نے  یہ تمام آراء کفار کی مشاہت کی وجہ سے رد فرمادیں اور پھر 1 ہجری  میں  وحی الہی اور حضرت عبد اللہ بن زبیر ﷜کے خواب  کے بعد موجودہ  اذان  کے کلمات مسلمانوں کے شعار  کے طور پرمقرر فرمادیے۔اس کے بعد آپ نے ساری زندگی 'سفر ہو یا حضر'رات ہو یا دن'کبھی بھی اذان کو ترک نہیں کیا جبکہ ناگہانی حالات اور مشورہ طلب  معاملات میں مسلمانوں کو جمع کرنے  کے لیے (الصلاة جامعة) كے الفاظ کو برقرار رکھا۔اذان جہاں نماز کے وقت کی اطلاع اور جماعت میں حاضر ہونے کی دعوت ہے وہاں اسلام کا عظیم شعار بھی ہے۔ رسول اللہ ﷺ جنگوں کے دوران میں بستیوں پر حملہ  کرنے سے پہلے انتظار کرتے'اگر اذان کی آواز  سنائی دیتی  تو حملہ کرنے سے رک جاتے وگرنہ حملہ نہ کرنے دیتے۔اس طرح اذان  سے مسلمانوں اور کافربستیوں کی عمدہ  تفریق ہوگئی ہے۔ اذان مختصر  مگر جامع الفاظ پر مشتمل ہے'اس میں عقیدے کے مسائل نہایت عمدگی سے بیان ہوئے ہیں۔ مؤذن (الله اكبر) کہ کر اللہ عزوجل کے وجود اور کمال کا اعلان کرتا ہے'پھر (اشهد ان لااله الا الله) کا اظہار کرکے توحید الہی کا اقرار اور تمام  معبودان باطلہ کا انکار کرتا ہے۔اس کے بعد رسالت محمدی کا اقرار کرکے نبی رحمت کو اپنا ہادی اور مرشد  ماننے کا اعلان کرتا ہے،اس گواہی اور اقرار کے بعداپنے ہم مذہبوں کو رسول اللہ ﷺ کی لائی ہوئی شریعت مطہرہ پر عمل پیرا ہونے کی دعوت دیتا ہےتاکہ ان سب کو ابدی نعمتیں اور لازوال انعام ربانی حاصل ہوسکے۔(دیکھیے :فتح الباری: 2/ 102) کے متعلق چند ضروری  مسائل:1۔نماز پنجگانہ اور جمعہ کے لیے اذان دینا واجب ہے۔نماز پنجگانہ کی جماعت سفر میں ہو یا حضر میں'اپنے وقت پر ہو یا نیند بھولنے کی وجہ سےوقت کے بعد ہو'اذان اور اقامت کہنا ضروری ہے'سوائے عرفہ کے دن ظہر اور عصر کی جماعت کے اور مزدلفہ  کی رات مغرب اور عشاء کی جماعت کے کیونکہ ان کے لیے ایک اذان اور الگ الگ اقامت کہی  جاتی ہے۔اس کی دلیل  نبی اکرام ﷺ کا یہ فرمان ہے(صلوا كما رايتموني اصلي فاذا حضرت الصلاة فليؤذن لكم احدكم وليؤمكم اكبركم) " نماز  اس طرح ادا کرو جیسے تم نے مجھے نماز پڑھتے دیکھا ہے'ھب نماز کا وقت ہوجائے تو تم میں سے کوئی ایک شخص اذان کہےاور تم میں سے بڑا جماعت کرائے۔"(صحيح البخاري’الاذان ’باب  الاذان للمسافرين اذا كانوا جماعة۔۔۔۔الخ'حدیث :631) نیز  آپ کا فرمان ہے: (فاذانا واقيما) "پھر اذان کہیں اور جماعت کرائیں۔" (صحيح البخاري’الاذان باب اثنان فما فوقها جماعه’حديث:658)٭ چونکہ اذان فرض نماز کے وقت ہونے کی اطلاع ہے اس لیے نفل نمازوں کے لیے اذان مسنون نہیں ہے'جیسے نماز عیدین'نماز چاشت'نماز کسوف وخسوف وغیرہ،٭ وقت سے پہلے اذان کہنا درست نہیں۔٭ اذان کھڑے ہوکر کہنا اور بلند جگہ پر کہنا افضل ہے لیکن آج کل لاؤڈ سپیکر کے ذریعے سے یہ مقصد حاصل ہوجاتا ہے۔

تمہید باب عربی

×

تمہید کتاب عربی

×