٭طعام کی تعریف: طعام سے مراد ہر وہ چیز ہے جو بطور خوراک کھائی جائے مثلاً : گندم ۔چاول .کھجور اور گوشت وغیرہ ۔٭کھانے کا حکم : اسلام نے جسم اور نفس کے حقوق رکھتے ہیں ۔ نفس انسانی کےبچانےاور اسے واجبات دینی کی ادائیگی کےقابل بنانے کےلیےکھانا مشروع کیا ہے اس لیے ہر چیز حلال کر دی سوائے ان چیزوں کے جن کی حرمت بیان کر دی گئی ہے کیونکہ وہ انسانی جسم کے لیے مضر ہیں ۔ ارشاد باری تعالیٰ ہے : ﴿هُوَ الَّذي خَلَقَ لَكُم ما فِي الأَر‌ضِ جَميعًا﴾(البقرہ 2: 29)وه اللہ جس نے تمہارے لئے زمین کی تمام چیزوں کو پیدا کیا۔نیز فرمایا : ﴿يا أَيُّهَا النّاسُ كُلوا مِمّا فِي الأَر‌ضِ حَلالًا طَيِّبًا﴾ لوگو! زمین میں جتنی بھی حلال اور پاکیزه چیزیں ہیں انہیں کھاؤ-جبكہ  رسول اکرم ﷺ نے امت کی رہنمائی کرتے ہوئے فرمایا: [كلوا وتصدقوا والبسوا فى غير اسراف ولامخلية ( سنن النسائى الزكاة الاختيال في الصدقة حديث :2560)کھاؤ! صدقہ کرو اور لباس پہنو جب تک اسراف اورتکبر وغرور کاپہلو اس میں شامل نہ ہو ۔ نیز فرمایا: [من أنعم الله عليه نعمة فان الله يحب ان يرى أثر نعمته على خلقه ) مسند احمد 4/438) اللہ تعالیٰ جسے کسی نعمت سےنوازتا ہے تو وہ اس بات کوپسند کرتا ہے کہ اس نعمت کااثر اس پر دیکھے۔ ٭چند ممنوع کھانے : 1۔ دوسرے مسلمان بھائی کامال جو اس کی ملکیت نہ ہو ۔ 2۔ مچھلی اور ٹڈی کے علاوہ کوئی بھی جانور جو طبعی موت مر گیا یا اس کا گلا گھونٹ کر مار دیا گیا یا وہ چوٹ لگنے سے مرگیا ہو ۔ 3۔ ذبح کے وقت بہنے والا خون۔4۔ خنزیر کا گوشت چربی اور دیگر اجزاء۔5۔ غیر اللہ کے نام پر ذبح کیا جانے والا جانور۔6۔ قبروں اور بتوں کی نذر کیا جانے والا جانور اور کھانا وغیرہ ۔ ٭کھانا کھانے کے چند ضروری احکام وآداب :مسلمان کےلیے صرف اللہ تعالیٰ کی حلال کردہ اشیاء کھانی جائز ہیں ۔