التخريج

قسم الحديث (القائل): مرفوع ، اتصال السند: متصل ، قسم الحديث: قولی

سنن ابن ماجه: كِتَابُ الْمَسَاجِدِوَالْجَمَاعَاتِ (بَابُ الْمَشْيِ إِلَى الصَّلَاةِ)

حکم : ضعیف 

778. حَدَّثَنَا مُحَمَّدُ بْنُ سَعِيدِ بْنِ يَزِيدَ بْنِ إِبْرَاهِيمَ التُّسْتَرِيُّ قَالَ: حَدَّثَنَا الْفَضْلُ بْنُ الْمُوَفَّقِ أَبُو الْجَهْمِ قَالَ: حَدَّثَنَا فُضَيْلُ بْنُ مَرْزُوقٍ، عَنْ عَطِيَّةَ، عَنْ أَبِي سَعِيدٍ الْخُدْرِيِّ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: مَنْ خَرَجَ مِنْ بَيْتِهِ إِلَى الصَّلَاةِ، فَقَالَ: اللَّهُمَّ إِنِّي أَسْأَلُكَ بِحَقِّ السَّائِلِينَ عَلَيْكَ، وَأَسْأَلُكَ بِحَقِّ مَمْشَايَ هَذَا، فَإِنِّي لَمْ أَخْرُجْ أَشَرًا، وَلَا بَطَرًا، وَلَا رِيَاءً، وَلَا سُمْعَةً، وَخَرَجْتُ اتِّقَاءَ، سُخْطِكَ، وَابْتِغَاءَ مَرْضَاتِكَ، فَأَسْأَلُكَ أَنْ تُعِيذَنِي مِنَ النَّارِ، وَأَنْ تَغْفِرَ لِي ذُنُوبِي، إِنَّهُ لَا يَغْفِرُ الذُّنُوبَ إِلَّا أَنْتَ، أَقْبَلَ اللَّهُ عَلَيْهِ بِوَجْهِهِ، وَاسْتَغْفَرَ لَهُ سَبْعُونَ أَلْفِ مَلَكٍ

مترجم:

778.

حضرت ابو سعید خدری ؓ سے روایت ہے، رسول اللہ ﷺ نے فرمایا: ’’جو شخص نمازکے لئے گھر سے نکلا اور یہ دعا پڑھی ، اللہ تعالیٰ اپنے چہرہٴ مبارک سے اس کی طرف توجہ فرماتا ہے اور ستر ہزار فرشتے اس کے حق میں بخشش کی دعا کرتے ہیں۔‘‘ (دعا یہ ہے): (اللَّهُمَّ إِنِّى أَسْأَلُكَ بِحَقِّ السَّائِلِينَ عَلَيْكَ وَأَسْأَلُكَ بِحَقِّ مَمْشَاىَ هَذَا فَإِنِّى لَمْ أَخْرُجْ أَشَرًا وَلاَ بَطَرًا وَلاَ رِيَاءً وَلاَ سُمْعَةً وَخَرَجْتُ اتِّقَاءَ سُخْطِكَ وَابْتِغَاءَ مَرْضَاتِكَ فَأَسْأَلُكَ أَنْ تُعِيذَنِى مِنَ النَّارِ وَأَنْ تَغْفِرَ لِى ذُنُوبِى إِنَّهُ لاَ يَغْفِرُ الذُّنُوبَ إِلاَّ أَنْتَ) ’’اے اللہ! میں تجھ سے سوال کرتا ہوں، مانگنے والوں کے تجھ پر حق کی وجہ سے اور میں (نماز کے لئے) اپنے اس چلنے کے وسیلہ سے تجھ سے سوال کرتا ہوں، میں نہ فخر کرتے ہوئے نکلا ہوں، نہ اتراتے ہوئے، نہ ریاکاری کے لئے، نہ شہرت کے لئے ،میں تو تیری ناراضی سے بچنے کے لئے، اور تیری رضا کے حصول کے لئے نکلا ہوں، میں تجھ سے سوال کرتا ہوں کہ مجھے جہنم سے پناہ دے دے، اور میرے گناہ معاف فرما دے، تیرے سوا گناہوں کو یقیناً کوئی نہیں بخش سکتا۔‘‘

×
حدیث ترجمہ:

ابو سعید خدری ؓ کہتے ہیں کہ رسول اللہ ﷺ نے فرمایا: ’’جو شخص اپنے گھر سے نماز کے لیے نکلے اور یہ دعا پڑھے :(اللَّهُمَّ إِنِّى أَسْأَلُكَ بِحَقِّ السَّائِلِينَ عَلَيْكَ وَأَسْأَلُكَ بِحَقِّ مَمْشَاىَ هَذَا فَإِنِّى لَمْ أَخْرُجْ أَشَرًا وَلاَ بَطَرًا وَلاَ رِيَاءً وَلاَ سُمْعَةً وَخَرَجْتُ اتِّقَاءَ سُخْطِكَ وَابْتِغَاءَ مَرْضَاتِكَ فَأَسْأَلُكَ أَنْ تُعِيذَنِى مِنَ النَّارِ وَأَنْ تَغْفِرَ لِى ذُنُوبِى إِنَّهُ لاَ يَغْفِرُ الذُّنُوبَ إِلاَّ أَنْتَ) ’’اے اللہ! میں تجھ سے اس حق۱؎ کی وجہ سے مانگتا ہوں جو مانگنے والوں کا تجھ پر ہے، اور اپنے اس چلنے کے حق کی وجہ سے، کیونکہ میں غرور، تکبر، ریا اور شہرت کی نیت سے نہیں نکلا، بلکہ تیرے غصے سے بچنے اور تیری رضا چاہنے کے لیے نکلا، میں تجھ سے سوال کرتا ہوں کہ تو مجھے جہنم سے پناہ دیدے، اور میرے گناہوں کو معاف کر دے، اس لیے کہ گناہوں کو تیرے علاوہ کوئی نہیں معاف کر سکتا“ تو اللہ تعالیٰ اس کی جانب متوجہ ہو گا، اور ستر ہزار فرشتے اس کے لیے دعائے مغفرت کریں گے۔‘‘

حدیث حاشیہ:

۱؎: اگرچہ اللہ تعالیٰ پر کسی کا کوئی ایسا حق لازم نہیں ہے جس کا کرنا اس کو ضروری ہو کیونکہ وہ ہمارا مالک و مختار ہے جو چاہے سو کرے، اس سے کسی کی مجال نہیں کہ کچھ پوچھ بھی سکے، پر ہمارے مالک نے اپنی عنایت اور فضل سے بندوں کے حق اپنے ذمے لئے ہیں، جن کو وہ ضرور پورا کرے گا، اس لئے کہ وہ سچا ہے، اس کا وعدہ بھی سچا ہے، اہل سنت کا یہی مذہب ہے۔ معتزلہ اپنی گمراہی سے یہ خیال کرتے ہیں کہ اللہ تعالیٰ پر نیک بندوں کو جنت میں لے جانا، اور بروں کو سزا دینا واجب ہے اور ہم یہ کہتے ہیں کہ اللہ تعالیٰ نے ایسا وعدہ کیا ہے، لیکن واجب اس پر کچھ نہیں ہے، نہ کسی کا کوئی زور بھی اس پر چل سکتا ہے، نہ کسی کی مجال ہے کہ اس کے سامنے کوئی ذرا بھی چون وچرا کر سکے، اگر وہ چاہے تو دم بھر میں سب بدکاروں اور کافروں اور منافقوں کو بخش دے، اور ان کو جنت میں لے جائے، اور جتنے نیک اور عابد اور متقی بندے ہیں، ان سب کو جہنم میں ڈال دے، غرض یہ سب کچھ اس کی قدرت کے لحاظ سے ممکن ہے، اور اس کو ایسا اختیار ہے، اگرچہ ایسا ظہور میں نہ آئے گا، کیونکہ اس کا وعدہ سچا ہے، اور اس نے وعدہ کیا ہے کہ نیک بندوں کو میں جنت میں لے جاؤں گا، اور کافروں کو جہنم میں، ایسا ہی ہو گا ۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم827
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)778
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)770
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)778
٥. ترقيم الأعظمي (برنامج الكتب التسعة)ترقیم اعظمی (کتب تسعہ پروگرام)762
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)827
٧. ترقيم دار الرّسالة العالمية (جامع خادم الحرمين للسنة النبوية)ترقیم دار الرسالہ العالمیہ (خادم الحرمین الشریفین حدیث ویب سائٹ)778
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)778

الحكم على الحديث

×
اسم العالمالحكم
١. فضيلة الشيخ الإمام محمد ناصر الدين الألباني ضعیف
٢. فضيلة الشيخ العلّامة شُعيب الأرناؤوطإسناده ضعيف
٣. مجلس علمي (دار الدّعوة، دهلي)ضعيف
٤. فضيلة الشيخ حافظ زبير علي زئيإسناده ضعيف

تمہید باب

×

تمہید کتاب

×

اسلامی ریاست اور مسلم معاشرے کی تعمیرات میں سب سے اہم عمارت مسجد ہے۔ابو البشر حضرت آدم علیہ السلام نے اس کائنات میں آنے کے بعد سب سے پہلے المسجد الحرام کو تعمیر کیا'امتداز زمانے کے باعث اس کے آثار مٹ گئے تو اسی مقام پر حضرت ابراہیم خلیل اللہ اور حضرت اسماعیل ذبیح اللہ نے حرم کعبہ کی تعمیر نو کی۔اس اولین عبادت گاہ کے بعد سب سے اہم مسجد الاقصی ہے'جسے واقعہ معراج کے باعث بہت اہمیت حاصل ہے۔ان ہر دو مساجد کے بعد مسجد نبوی کو ایک خصوصی فضیلت حاصل ہے۔صحیح احادیث کے مطابق کسی مسلمان کے لیے ان مذکورہ تین مساجد کے علاوہ زیارت(تقرب)کی نیت سے سفر کرنا  درست نہیں ہے۔ابتدائے اسلام میں مکہ مکرمہ میں صرف حرم کعبہ ہی میں عباد ت اور  نوافل ادا کیے جاتے رہے'مگر ہجرت کے بعد جب منظم اسلامی ریاست وجود میں آئی تو سب سے پہلے قباء  کے مقام پرآپ نے اپنے مبارک ہاتھوں سے مسجد تعمیر کیاور پھر مدینہ منورہ میں مسجد نبوی کی تعمیر کی جس میں آپ کے علاوہ انصارو مہاجرین نے ذوق وشوق سے حصہ لیا۔ان تاریخی مساجد کے علاوہ آج مسلم اور غیر مسلم ممالک میں بلا مبالغہ لاکھوں کی تعداد میں مسجدیں تعمیر ہورہی ہے۔یہ امت مسلمہ اور اس کے نیک دل حکمرانوں کی دین و شریعت سے دلچسپی کا آئینہ دار ہیں۔احادیث کے مطالعہ سے معلوم ہوتا ہے کہ مساجد کی بےجا تزئین و آرائش  کی نسبت ان کی آبادی پر زیادہ توجہ دینی چاہیے۔مسجدوں کی سادگی اور پاکیزگی مطلوب ہے'البتہ موسمی اور مقامی جغرافیائی حالات کے باعث ان کی تعمیر اور سٹرکچر( ساخت) میں پختگی کو ملحوظ رکھنا درست ہے۔مسجدوں کی وسعت اور فراخی بھی اسی صورت میں مطلوب ہے کہ وہ نمازیوں اور ذاکرین کے ساتھ آباد ہوں۔نبی مکرم ﷺ نے پوری روئے زمین کو مسجد قرار دے کر اس کائنات کی پاکیزگی پر توجہ دلائی ہے۔یوں تو شرعاًنماز ہر پاک جگہ ادا کی جاسکتی ہےمگر مساجد کے احکام وآداب صرف انہی مقامات پر لاگو ہوں گے جہاں باقاعدہ مسجد کی چار دیواری اور تعمیر موجود ہو۔عالم اسلام کی بتدریج وسعت کے نتیجے میں  مسلمانوں نے شرعی ضوابط کے ساتھ غیر مسلموں کے معابد کو یا تو گراکر مسجد یں تعمیر کیں یا ان کی عمارتوں کی ہیت کو اس درجہ تبدیل کردیاکہ وہ  مسجد کی اصطلاح کے زمرے میں  شمار کی جاسکیں۔مسجد کے لیے زمین کی خریداری'عمارت اور دوسری ضروریات کے لیے ساز وسامان کی فراہمی پر روپیہ صرف کرنا ایک مستحسن عمل ہے'جس کی بابت صحیح احادیث میں فرمایا گیاہے کہ چھوٹی سے چھوٹی مسجد کی تعمیر پر بھی اللہ تعالی جنت کے گھر کی خوشخبری دیتا ہے۔مساجد میں روشنی'وضو اور دیگر ضرورتوں کی فراہمی کے لیے  اجرت کا وصول کرنا جائز ہے۔اگر کوئی بلا معاوضہ زمین 'عمارت کے سامان کی فراہمی یا دیگر ضروریات کا اللہ تعالی کی خوشنودی کے لیے انتظام کرے تو جائز اور مستحسن ہے۔یوں تو روئے  زمین کے ہر پاکیزہ قطعے پر نماز ادا کرنا درست ہےمگر صحیح احادیث کے ،مطابق ذیل مقامات پر نماز کی ادائیگی درست نہ ہوگی:کوڑا کرکٹ پھینکنے کی جگہ'جانوروں کے ذبح خانے'قبرستان'شارع عام کے درمیان 'غسل خانے 'اونٹوں کے باڑے اور کعبۃ اللہ کی چھت۔آپ ﷺ نے مسجدوں میں تھوک دینے اور بلغم  تھوکنے اور ناک سینکنے سے منع فرمایا۔انھیں شارع عام اور راہ گزر بنانے 'ہتھیاروں کی نمائش'تیر اور کمان  کی ورزش کرنے اور ان میں کچے گوشت اور دوسری بدبودار اشیاء کے لانے سے منع کیا ۔جب بدبودار اشیاء استعمال کرکے مسجد میں آنا منع ہے تو ان کا لانا کیسے ہوسکتا ہے۔مگر ان پر عمل درآمد کے لیے قصاص یا کوڑے نہیں لگائے جاسکتے۔مسجد کے احاطے کو خریدوگروخت اور منڈی کا درجہ نہ دیا جائے'البتہ ان کے مالی انتظام کے لیے اگر مساجد کے وہ بیرونی حصےجن کا مسجد کے افعال میں کوئی دخل نہ ہو'تعمیر کرنا اور کرایے پر دینے کا جواز ہے۔لیکن اگر مساجد کے ماحول کو مارکیٹ کے ماحول میں تبدیل کرنے سے احتراز کیا جائے تو زیادہ مستحسن ہے۔مساجد میں لغو'بےمعنی اور شرک سے لتھڑی ہوئی شاعری 'نغمہ گوئی یا گائیکی ممنوع ہے۔مساجد اسلامی معاشرت کی تعمیر میں بہت بنیادی حیثیت رکھتی ہیں۔رسول اکرم ﷺ کو اسلامی ریاست کا دارالخلافہ'غزوات وسرایا کی تنظیم'امور سلطنت کی مشاورت'بیت المال 'دارالقضاء'جامعۃالعلوم 'سول سیکرٹریٹ'سٹیٹ گیسٹ ہاؤس اور بعض اوقات دیگر مثبت اور مخصوص تعمیری مقاصد کے لیے بھی استعمال کیا ہےمگر قرآن مجید نے مساجد کو اللہ تعالی کے ذکر وعبادت کے لیے مخصوص  کیا جہاں پر رکوع وسجود 'مسنون ا ذکار ووظائف'وعظ وتبلیغ'تلاوت  قرآن اور درس وتدریس کی مشغولیت ہی سب سے بہتر امور ہیں۔مساجد کی خدمت اور ان کی آبادی کے لیےانتظام وانصرام مسلمانوں کا بنیادی فرض ہے مگر آج کل جس زور وشور سے مساجد کو غیر مسنون اعمال کے لیے استعمال  کیا جارہا ہے اس پر سنجیدگی غوروفکر کی ضرورت ہے۔مساجد کی اہمیت وفضیلت اور ان کے بارے میں دیگر احکام وآداب کے مطالعہ کے لیے آئندہ صفحات کی احادیث اور ان کے فوائد ومسائل کا مطالعہ کیجیے۔

تمہید باب عربی

×

تمہید کتاب عربی

×