سنن ابن ماجہ: کتاب: جنازے سے متعلق احکام و مسائل (باب : میت کو قبر میں اتارنے کا بیان)

ترجمۃ الباب:

1553.

حضرت سعید بن مسیب ؓ سے روایت ہے انہوں نے فرمایا: میں ایک جنازے میں عبداللہ بن عمر ؓ کے ساتھ حاضر تھا۔ جب انہوں نے میت کو قبر میں رکھا تو فرمایا: (بِسْمِ اللَّهِ وَفِى سَبِيلِ اللَّهِ وَعَلَى مِلَّةِ رَسُولِ اللَّهِ) ’’اللہ کے نام سے، اللہ کی راہ میں اور اللہ کے رسول ﷺ کی ملت پر۔‘‘ جب لحد پر کچی اینٹیں لگانا شروع کی گئیں تو فرمایا: (اللَّهُمَّ أَجِرْهَا مِنَ الشَّيْطَانِ وَمِنْ عَذَابِ الْقَبْرِ اللَّهُمَّ جَافِ الأَرْضَ عَنْ جَنْبَيْهَا وَصَعِّدْ رُوحَهَا وَلَقِّهَا مِنْكَ رِضْوَانًا) ’’اے اللہ! اسے شیطان سے اور قبر کے عذاب سے پناہ دے، اے اللہ! اس کے پہلوؤں سے ( قبر کی) زمین کو دور رکھ، اس کی روح کو بلند کر اور اسے اپنی خوشنودی نصیب فرما۔‘‘ (سعید بن مسیب نے فرمایا) میں نے کہا: ابن عمر! کیا آپ نے یہ چیز رسول اللہ ﷺ سے سنی ہے یا اپنی رائے سے یہ الفاظ کہے ہیں؟ انہوں نے کہا: تب تو میں باتیں بنانے پر قادر ہوں، (نہیں) بلکہ یہ چیز میں نے رسول اللہ ﷺ سے سنی ہے۔